نێتفلێکس فلمیگ دۆکیومێنتاری لەبان کەللـەسەرەگەی ئەشکەفت شانەدەر بەرهەم تیارێد
2024-05-04T12:39:57+00:00
شەفەق نیوز/ دویای ئەوەگ تیمیگ لە زانایەیل زانکۆیەیل کامبریدج و لیڤەرپوڵ توەنستن وینەی رووخسار ژنیگ 40 ساڵان نیاندەرتال دروسبکەن کە وەپای مەزەنەیل وەرجە 75 هەزار ساڵ لە ئەشکەفت شانەدەر زندگی کردیە، ئیرنگە وەلایەن تووڕ نێتفلێکسەو بڕیاردریاگە فیلمیگ دۆکیومێنتاری وەبانی دروس بکرێد.
وەپای خەوەریگ لە ماڵپەڕ "یاهوو نیوز" ، فیلمیگ دۆکیومێنتاریی نوو نێتفلێکس وەناو"Secrets Of The Neandtalals" دروس کرێد، کە وە تەواوی باس لە چۆنیەتی پەیاکردن کەللەسەر ژنەگە کەێد لە ئەشکەفت شانەدەر هەولێر.
یەیش لە وەختیگ، تیمەگە پشت بەسانە وە رێکخسن پرۆتسنەیل ناو مینای دگان کەللە سەرەگە ئەرا دیاریکردن رەگەز ئیسکەپەیکەرەگە، ئەرایان دەرکەفتیە خاوەن کەللەسەرەگە ژنە و تەمەنی لەناوڕاس چڵ ساڵی بویە.
