توومارکردن دویەم تویشهاتن وە تەو خوینوەربوین لە موسڵ
2024-05-07T11:45:07+00:00
شەفەق نیوز/ لە شار موسڵ، ئمڕوو سێشەممە، توومارکردن دویەم تویشهاتن وە تەو خوینوەربوین لە شارەگە راگەیانن.
بەشار جادر قسەکەر تەندروسی نەینەوا ئەرا ئاژانس شەفەق نیوز وت: قەساویگ لە تەمەن ٤٥ ساڵە، تویش تەو خوینوەربوین هات، و تەندروسیی جیگیرە.
وتیش: لە تاقیگە دووپات کریا کە تویش بیماریەگە هاتگە، و لەناو خەسەخانە کەرەنتین کریا.
رووژ یەکشەممەی گوزەشتە، دکتۆر سەعد خەتابی وەڕیووبور خەسەخانەی ئیبن سینا ئاگادار ئاژانس شەفەق نیوز کرد لە توومارکردن مردن کەسیگ بزگیر گومان لە تویشهاتنی وە تەو خوینوەربوین هەس.
