دویای هەڵمەت ئەمنی.. کوشیان کەس دویەم لەناو هوتێلیگ لە بەتاوین
2024-05-08T12:03:02+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان کەسیگ لە ئەنجام وەردەوەردەیگ لەناو هوتێیلیگ لە ناوچەی بەتاوین ناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: وەردەوەردە کەفتە ناوەین چەن کەسیگ هوکارەگەی نەزانیاس لەناو هوتێلیگ لە ناوچەی بەتاوین.
سەرچەوەگە دیاری کرد کە رویداوەگە بویە مدوو کوشیان کەسیگ و بکوشەگە دەسگیرکریا.
جی باسە کە یە دویەم کوشیان کەسیگە لەناو هوتێل لە ناوچەی بەتاوین، دویای ئەو هەڵمەت ئەمنی گەورە ئەرا پاکەوکردن ناوچەی بەتاوین لە گرووپەیل تاوانی.
