زەخمداریبوین دوو خوەنەوار وە هیزگردن ئاگر لە بەشە ناوخوەیی دهۆک
2024-05-07T07:30:48+00:00
شەفەق نیوز/ سەرچەوەیگ لە وەڕێوەبەرایەتی وەرگیری شارستانی پارێزگای دهۆک، ئمڕوو سێشەممە، خەوەردا لە هیزگردن ئاگریگ لە یەکیگ لە بەشە ناوخوەیل خوەنەوارەیل لە کویچەی "رزا" ناو سەنتەر شارەگە.
سەرچەوەگە وە ئاژانس شەفەق نیوز راگەیان، رویداوەگە لە ئەنجام بویە هووکار زەخمداری دوو خوەنەوار کە دانشتگ قەزای شێخانن و دەسوەجی ئەرا چارەسەرکردن کلکریانە خەسخانە.
دیاریکرد، وەپای زانیاری سەرەتایەگان هووکاررویداوەگە لەوەر تەقیان بوتڵ غاز بویە.
