زانایەیل واکسینیگ ئەرا ڤایرۆس کۆرۆنا پەیا کەن
پڕۆژەگە وە سەرۆکایەتی زانایەیل زانکۆیل ئۆکسفۆرد و کامبریج و پەیمانگای تەکنەلۆجیای کالیفۆرنیا، ئامانج ئەوسە وەرجە ئەوەگ پەتای هاتگ باێد، واکسینیگ "وەرحەوەختە" بخەێدە بازاڕ.
ژەمە تاقیکارییەگە کە تەنیا لەبان مویس تاقی کریەێد، سیستەم وەرگری لەش دیرێد ئەرا ناسین بەشەیل چەن ڤایرۆسیگ کۆڕۆنای جیاواز، کە بریتین لە “کۆڤید”، “سارس” و “مێرس”، وەتایبەتی کە واکسینەیل ئیسە سیستەم وەرگری ئامادە کەن ئەرا یەک جویر دیاریکریای ڤایرۆسەیل.
واکسینەگە وە وەکارهاوردن تووپیگ بوبچگ پڕۆتین کار کەێد کە وەپی ئویشن "نانۆ قەفەز چوارینە"، ئیجا ئەوە وەکار خواردنە کە ناوی نانە "پڕۆتین سوپەرگلۆ" ئەرا بەسانن دژەیل، کە ئەو ماددەس کە وەڵامدان وەرگری لە لەش دروس کەن، یەیش هیلێد نواگیریکردن ماددە بیمارکەرەیل بکەن.
واکسین دەرئەنجام ئەو واکسینە دەسمیەتی سیستەم وەرگری دەێد ئەرا ناسین بەشەیلیگ لە ڤایرۆس کۆرۆنا، لەناوەیان بڕیگ جویرە کە ئیسە تەنیا لە شەمشەمەکوورەی کوێەیی نووڕیەت، بەڵام بایەسە (لە روی نووڕین) لە ئایندە بڕەسێدە بۆ ئایەم.
