کۆمسیۆن کارەیل هونەری و دارایی هەڵوژاردن پەرلەمان کوردستان وسنێد

وەگورەی بەیاننامەیگ کە ئمڕوو ئەنجومەنەگە بڵاوی کرد بڕیار وسیانەگە دەرچگە تا ئەو دۆسیە کە لەوەردەم دادگای باڵای فیدراڵی شمارە (١٢/فیدراڵی/٢٠٢٤) یەکلایی کریەێد.

 ئەنجومەن بڕیاردا ئیدارەی هەڵزژاردن ئەرکدار وەو ریکارەیلە بکەێد.

 دویەکە سێشەممە، دادگای باڵای فیدراڵی فەرمان دەوڵەتی دەرکرد لەباوەت سیستم توومارکردن و پەسەنکردن لیست کاندیدەیل ئەرا هەڵوژاردن پەرلەمان هەرێم کوردستان عراق شمارە (7) ساڵ 2024.

 لە بەیاننامەیگ ئەرا میدیایل دادگای باڵای فیدراڵی هاتگە؛ دادگای باڵای فیدراڵی تاوتوێی ئەو داواکاریی سەرۆک حکومەت هەرێمکوردستان/ عراق کرد، لەوانەیش دەرکردن فەرمان دەوڵەت لە دۆسیەی شمارە (126/ فیدراڵی/ 2024) تا دۆسیەگە یەکلایی کریەێد”.

 لە بەیاننامەگە ئاماژە وتیش  دادگا ”بڕیار دا جیوەجیکردن بڕگەی (دویەم) لە مادەی (2) سیستم توومارکردن و پەسەنکردن لیست کاندیدەیل ئەرا هەڵوژاردن پەرلەمان هەرێم کوردستان عراق شمارە (7) ساڵ 2024، کە لەناوی هاتگە ((دویەم: کوردستان”. پەرلەمان هەرێم لە (100) کورسی دابەش کریاس لەی پارێزگایل هەڵوژاردن خوارەو: - پارێزگاری هەولێر/ (34) کورسی - پارێزگای سلێمانی/ (38) کورسی - پارێزگای دوهۆک/ (25) کورسی - پارێزگاری هەڵەبجە/ (3) کورسی.)) تا ئەو وەختە کەیسەگە یەکلایی کریەێد تا ئەوەگ لە لێکەفتەیلی دویر بکەفێد جیوەجیکردن لێکەفتە دیرێد کە لە ئلیندە چارەسەرکردن قورس بوود”.

 ئی بڕیارە دوای سکاڵایگ یاسایی لەلایەن مەسرور بارزانی سەرۆک حکومەت هەرێم کوردستان هات کە لەناوی داوا کرد رێکارەیل کۆمسیۆن لەباوت هەڵوژاردن هەرێم کوردستان بووسیەێد.