نێچیروان بارزانی مکیس سەرۆک ئیران ئەرا سەردان هەرێم کوردستان وەفەرمی کەێد
2024-05-07T11:19:36+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، راگەیان کە بڕیارە ئایەتوڵاا رەئیسی سەرۆک کۆمار ئیران سەردانیگ فەرمی ئەرا عراق و هەرێم کوردستان ئەنجام بەێد، وەبی دیاریکردن مەوقەگەی.
سەرۆک نێچیروان بارزانی لە کۆنگرەیگ رووژنامەوانی لە تەهران وت: وەگەرد سەرۆک رەئیسی باس سەردانی ئەرا بەغدا کردم، وتیش: منیش جویر سەرۆک هەرێم کوردستان مکیس فەرمیی کردم تا وە سەردانەگەی ئەرا عراق سەردان هەرێم کوردستان بکەێد.
وتیش: باوەڕ دیرم سەرۆک ئیران ئی مکیسە وەجددی برد، و مەنەیە باس رەوشەیل مەوقەی جیوەجیکردن ئی سەردانە بکەن، وتیش: رەئیسی مکیسەگە قبوڵ کرد.
