هەڵمەت گەورەیگ ئەرا پاکەوکردن بازاڕیگ لە هەولێر دویای سزیان فرەیگ
پەیامنێر ئاژانس شەفەق نیوز وت: تیمەیل شارەوانی و ریخریایەیل ناحکومی و چالاکوانەیل کۆمەڵگای شارستانی دەسکردنە هەڵمەت پاکەوکردن بازاڕ قەیسەری دویای ئاگرەگەی رووژ یەکشەممە.
وتیش: هەلمەتەگە وەردەوامە تا پاکەوکردن بازەڕگە وە تەواوی کە زیاتر لە ٤ هەزار دوکان هاناوی، تا دەسوە دووارە ئاوەدانکردنی بکریەێد.
دویەکە سێشەممە، حکومەت پارێزگای هەولێر پایتەخت هەرێم کوردستان، بڕیار دا ری وە بازرگان و کاسپکارەیل بیەێد لەناو ئەو دوکان و شوینەیلە کار بکەن کە ئەو ئاگر گەورە وەپییان نەڕەسیە کە وەرجە دوو رووژ لەناو بازاڕ قەیسەری نزیک قەڵای ئاسەواری لە ناوەند شارەگە هیز گرد.
ئومێد خۆشناو پارێزگار هەولێر ئەرا رووژنامەنویسەیل وت: ئەوەسا ئەو بەشە واز کریەێد کە وە ئاگرەگە زەرەدمەن نەوی، چوینکە ئاگر گشت بازاڕەگە نەسزان، و دیاری کر کە بازاڕەگە ٤ هەزار دوکان هاناوی، و ئاگرەگە تەنیا ٢٢٧ لەلیان سزانیە.
