لە دویای تەمەن 50 ساڵی خاسترە لەی خواردنەیلە دویرەو بکەفید

وەپای خەوەریک لە ماڵپەڕ  " the family breeze"  باس لە دیارترین ئەو خوەراکەیلە کەێد کە هەوەجەکەێدوو لیانەو دویربکەفید ئەگەر تەمەند وەبان 50 ساڵی بوی، ئەوانیش بریتین لە:

١. روین

روین رووەکی یا هایدرۆجینکریاگ مادەیگ خوەراکیە کە لە روین رووەک یا چەوری ئاژەڵ لەری پرۆسەی هایدرۆجینکردن درسبوود، روین خوەراکی تەندروس نییە هاتێ بوودە هووکار بیماری دڵ، بیجگە لەیە بڕیگ فرە خوا هاناوی ، بوودە هووکار بەرزەوبوین فشارخوین، لە فرەیگ لە پیشەسازیەل خوەراک وەکارتێد جویر پسۆیت و شیرینی.

٢. نووشەمەنی گازی

نووشەمەنیەیل گازی مادەیگ هاناویان هیلد هۆگریان بوید، یەیش لەوەر شەکرەگەی ناویە، لەئەنجام بوودە هووکار قەڵەوی و شەکرە.

٣.نان چەرمگ

بڕیگ فرە نیشاستە هاناوی هەمیش وە شیوەی سروشتی دروس نیەود بەڵکم ئارد پاڵاوتەی کوالێتی نزم ، شەکر و بڕیگ فرە خوا دروسکرێد، گشت ئیانە زەرەد وە تەندروسی رەسنن.

٤. نمەک

کانزایگە لەش ئەرا ئەنجامداین ئەرکەیلی هەوەجەی کەێد باوجی زیایچگا لە خواردنی گیچەڵ رخەریگە، بوودە هووکار بەرزەوبوین فشارخوین و تەنگبوین خوینەر دڵ، دروسبوین سەنگ گورچگ و سسبوین گورچگ.

٥. خوەراکەیل لە قوتی کریاگ

فرەیگ لە خوەراکەیل قوتیکریاگ چەندین مادەی کیمایی و مادەی پارێزەر هاناویان، کە بوودە هووکار لەدەسدان مادەیل خوەراکی سرووشتی و کاریگەر و سوودبەخش، یەیش زەرەد رەسنێد وە تەندروسی هاتێ تویشبوین وە شێرپەنجە زیای بکەێد.