سامی عهسكهری رايگهياند ئيئتيلاف دهوڵهت قانوون له سهرلهنوو دياری كردن جهلال تاڵهبانی ئهرا پۆس
يا مهنسهب سهرۆكايهتی كۆمار عيراق پشتگيری ئهكا، وهلی ئوسامه نجيفی سهروه ليست عيراقيه وهت ئهياد عهلاوی رهد كرديه ك جهلال تاڵهبانی له پۆست سهرۆكايهتی كۆمار بمينيگ و وتگه سهرۆك كۆمار عيراق بايهد عهرهب بوود . سامی عهسكهری كانديد ئيئتلاف دهوڵهت قانوون وهت ليستهگهی تهنيا وهل يهك يا دوو ليست هاوپهيمانهو بوود ئهرا گرتنهدهس پۆست سهرۆكايهتی ئهنجوومهن وهزيرهيل و نهخستهدروو ك وهل ليست هاوپهيمانی كوردستان هاوپهيمانهو بوون ئهرا دامهزرانن حكوومهت ئايهندهی عيراق . وهلی لهلايگترهو ئوسامه نجيفی كانديد ليست عيراقيه رهد كرد ك جهلال تاڵهبانی ئهرا جار دوويم بووده سهرۆك كۆمار عيراق و هانهئهی باوهره ك سهرۆك كۆمار عيراق بايهد كهسايهتی عهرهب بوود تا بتويهنيگ پهيوهنديهيل بتهويگ وهل وڵاتهيل عهرهبی داشتوود .
