شهفهق/ وهزیريگ عێراق ئاشكرای كرد، داناين چهن یاسایگ وهتایبهتی ئهوهگ پهیوهندی وه ئیمتیازات
ئهندامهيل ئهنجوومهن نوێنهرهيل ديرێ، نادهستورییه.
لهيبارهو، وهزیر دهوڵهت ئهرا كاروبار ئهنجوومهن نوێنهرهيل "سهفادین ئهلسافی" دهريخست، ئهندامهيل ئهنجوومهن نوێنهرهيل بڕيگ یاسای تایبهت وه ئیمتیازاتهيل خوهیان داڕشتگه نادهستوریین، وه تایبهت مووچهی دويای خانهنشین بوينیان.
وتیش: یاسای خانهنشینی تهنيا فهرمانبهر ئهگرێدهو، ههرچهن پیشهی پهرلهمانتاری كاريگ خوهی بهخشانه و ئارهزوومهندانهس و ههروهخت وادهگهی تهواوبوی پهرلهمانتار ئهچێدهو ئهرا بان پیشه كيهنهگهی خوهی.
ئاشكرایشی كرد، وه گورهی دهستور پهرلهمانتار ئهو وهختهگ ئهندام ئهنجوومهن نوێنهرهيله مانگانه بهخششيگ ئهدريهێده پێ نهك مووچه، چوينكه جیاوازی فرهس لهناونی مووچه و بهخشش.
ئهوهيش خستهڕوی، ئهوهگ له عێراق پهرلهمانتارهيل ئهنجاميان دانه له هیچ شوينيگ جههان وجوود نهيرێ و له هیچ وڵاتيگ پهرلهمانتار مووچهی خانهنشینی نهيرێ.
جی ئاماژه وهپی كردنه لهوهختيگ له سهرتاسهر عێراق 7 ملیۆن كهس له ژير هێڵ فهقيری ژیهن و رووژانه له چهنهها شار و شارۆچكه خوهی نیشانداين دژ وه نهبوين خزمهتگوزاری ساز ئهدريهێد، مووچهی ئهندامهيل ئهنجوومهن نوێنهرهيل 10ههزار دۆلاره ك چهنه مووچهی 20 فهرمانبهره ك زانكۆ تهواو كردوين، بيجگه لهوهيش پويل ئۆتۆمبێل و 30 پاسهوان ئهدريهێدهپی.
