شوین پاگانم

Category: شيعر

Date: 2020-05-07T14:58:32+0000

شوین پاگانم
لە بان ئی کاژەی وەفرینە
ئاخەرین دەرفەت ژینمە
تا گوما بام
لەولا ترەک لە چوەیلدو
مە بی ناونیشان دڕا بووم وەرەو کوردستانیگ بی شوین ونوین
دی ئویشم داڵگە واز بار لە موورهاوردن شەوەکیاند
ک زامەیلم قوڵپ دانە
مە لە رواڵەت جنسێگ دەمەدەسی ژن پەیا بویم
ک ژیان پویپنک پویتاریگە
ژیان پویپنەک پویتاریگە
ک کروور کروور کروورە حەڵقپەنجە داس لە فاممو
مە نافاممو فام نێەکەم
ئی گورانی ناخوەشە ک خودا ژەنێدەی
کی زانی؟
هاتی خودا زویترەک لەی وڵاتە بانگ گرتویدە وەرو
ک دی خودا وەدیار سەر کەسەو نیە
مە کارخە خستیەسەمو
لی دیاری پشتەڵپشتە
کرش هەڵاتمە
ک یە پەنج هزار ساڵە
هەڵەبچە لە هویرمانم تووژ بەساد
مە هیمان وە شعرەگانم
سەنگ وە سەنگ کوتم
مە رەوەنی تیشتمانیگم
ک جامەکەگانی لە دەروینم
سویەتک سویەتک داڕویشیەن
م لە کیسی وڵاتیگم
ک هوورەچڕەگانی
نقڵانەی مردنیان دەن
لەی شیوای شیو کرمەسانە
شعرەگانم بوینەسە پەت پویترکیای
پەی کوورکەر مە
ک لە لاتوخمارەی شعرەگانممو
کفرچی گووش خوراوام
ک کفن دڕیمە
ئاخ
مە تەقم کویتیاس دایە گیان
ک دوەیت ئەزرەتەیلم
لەناوزگم کورتاژ کردمەو
لە دلیمازان ئیوارە وەختیگ
پەل مەرگ کوتم
تەرمم بیەن لە شان واهیڵان ئیوارە
ک لەشم پەرت قەورسانەیل دیاریگ
دیاربەکریگ بگرێد

سوما ئەمینی