2018-12-25 19:11:00

گووش بێیه وه م  دووس سه‌روه‌نی

چیده شامامه‌ێ چشت ئه‌ڕام سه‌نی

خاس بشارێیا وه په‌ڕ گوڵوه‌نی

هاتـی ئه‌ڕا ماڵ باو ئه‌ڕا  کیه‌نی              

جامێ ئاو بێیه پێم مردم وه تیه‌نی

چیده شائه‌حمـه‌د بگیـری مراد

گه‌پ م  بێیـه وه دوزی براد

منـی دووا که‌م وه ئێرا ئه‌ڕاد

سان ئه‌و کۊ یه زه‌خم نێیه‌د وه پاد

تۆنی با‌وه ماڵ با‌و ئه‌ڕا کیـه‌نـی      

جامێ ئاو بێیه پێم مردم وه تیه‌نی

یه خه‌رمان جییاو خـــــه‌رمان شه‌نه

وساســـــه ئێره هزار جوور به‌نـه

وه لاما ره‌د نه‌و وه زه‌رده‌خــه‌نـه

ئه‌ر مه‌ردم بۊنن ئه‌ڕامان گه‌نه

رێ چه‌فتا بکـه با‌و ئه‌ڕا کیه‌نی

جامێ ئاو بێیه پێم مردم وه تیه‌نی

جۊ وه‌ره‌ق نیه‌یلم فره بڕ بخــوه‌م

وه  ده‌ور ماڵـد فره خـڕ بخوه‌م

تووام وه ده‌ســـد جام  پڕ بخــوه‌م

حه‌ێفه م کزه‌ێ سه‌رد و سڕ بخوه‌م

زه‌حمه‌تێ  بکیش با‌و ئه‌ڕا کیه‌نــــی     

جامێ ئاو بێیه پێم مردم وه تیه‌نی

وه‌ختێ  تیریکی خاس گرد قه‌واره

ئاوا بی و چـی  خـوه‌ر ئێــواره‌

دێرتر وه  گشت تۆ با‌وه شیـــرواره

سه‌رێگـی  بێیــه مـــــن ئاواره

وه ساێ تیه‌ریکـی با‌و ئه‌ڕا کیه‌نی    

جامێ ئاو بێیه پێم مردم وه تیه‌نی

بنیش وه ژێر ساڕکـی  کـووڵا

خه‌ۊر خوانچه‌گه‌د ئه‌ڕا خوه‌د بووڵا

بێ چرچم‌  له‌رزه دڵ بکه پووڵا

کونه  ئاوه‌گه‌د بخه وه کووڵا

وه  ئارام ئارام با‌و ئه‌ڕا کیه‌نی              

جامێ  ئاو بێیه  پێم مردم وه تیه‌نی

سەید یونس هاشمی  

}