2019-09-28 19:53:49

کتاو پر لووچ و پووچێگم له ناو تەنیاێ خوەم پڵ خوەم

هە گل خوەم،تەم چەوەیل پێچا،هه دڕیەم له دەرۊن کەم کەم

م ورسێ یەێ تماشاێگم،یه چەن ساڵه له خوەڵ تێرم

قەسەم وه ناو ڕۊ جڵدم،ژیانم لەێ هەوا دی بەم

تمام جامەکەیل دینەم ک سەفحه سەفحه داڕزیام

له بان زەۊ فڕه دریام،له جی دەس دی هه تک پا خوەم

له ڕۊ بەرگ سیەم گیرم،ئەراێ  واژەیلم ئاخینم

وه مردشوورەگەم بۊشن که مزیانی ئەۊیش خوەم دەم

بزانن لەێ وڵاتیشه نەخوەنیاێ هەر له خاک نریەم

تمام سەفحە سەفحەیلم،له بان ئاو ئاگر دەم

م زانم ک دەنگم سزیەێ،هه بوو کز له وڵاتم تێ

هه خەت خەت پاک پاکۊمه،مەگەر بوو زینیەو بووم هەم

م هەم ئاو و م هەم ئاگر،له نیشان پاک پاکم کەن

پێیا بۊمه له باوان و له داوان و له تام تەم

سومه‌یه‌ سه‌فه‌ری

}