2019-09-01 20:03:26

شه‌فه‌ق نيوز/ له‌ 28 ئاب گوزه‌يشت, ريكخرياگ ئه‌منستى ئه‌نته‌رناشيوناڵ له‌ زووان وه‌رپرس توێژينه‌وه‌يل له‌ خوه‌رهه‌ڵات ناوين، ئاشكراى ئه‌وه‌ كرد سه‌دان ئاواره‌ له‌ كه‌مپ حه‌مام ئه‌لعه‌ليل وه‌ زووره‌ملێ كله‌وكريه‌ن ئه‌را ناوچه‌يليان له‌ حه‌ويجه‌ وه‌ل ئه‌و هه‌مگه‌ مه‌ترسيه‌يل ئه‌منى و نه‌وين خزمه‌تگوزاريه‌يله‌ ك وجوود ديرێد له‌و ناوچه‌يله‌.

 

له‌باره‌ى كله‌وكردن ئاواره‌يل ئه‌را ناوچه‌يليان دوياى رزگاركردن له‌ داعش، ديندار زێبارى ريكخه‌ر راسپارده‌ى ناوده‌وڵه‌تى له‌ حكومه‌ت هه‌رێم كوردستان، له‌ به‌ياننامه‌يگ ئه‌را شه‌فه‌ق نيوز وت: هيزه‌يل ئه‌منى له‌ حكومه‌ت هه‌رێم كوردستان هويچ كه‌سيگ وه‌ زووره‌ملێ ئه‌را ناوچه‌يل ئازادكرياگ كله‌و ناكاو له‌ هه‌مان وه‌خت ريگرييش له‌ كه‌س ناكا وه‌ خواست خوه‌ێ گله‌و بخوه‌ێد ئه‌را ناوچه‌ى رزگاركرياگێ.

 

جى باسه‌، زێبارى هه‌ميش وت: مه‌ردم فريه‌يگ له‌ ئاوايه‌يل نه‌ينه‌واو ناوچه‌يل كيشه‌ له‌سه‌ر وه‌گووره‌ى مادده‌ى 140 ده‌ستوور ناتويه‌نن گله‌و بخوه‌ن ئه‌را ناوچه‌يليان له‌وه‌ر ئه‌وه‌گ ناوچه‌يليان پڕ له‌ مين و پاشماوه‌ى جه‌نگ و نه‌وين خزمه‌تگوزارى و وه‌گووره‌ى راپۆرته‌يل نه‌ته‌وه‌ى يه‌كگرتگ زياتر له‌ يه‌ك مليۆن و شه‌سه‌د هه‌زار ئاواره‌ هيمان گله‌و نه‌خواردنه‌ ئه‌را ناوچه‌يليان و به‌ش فريه‌يگيان نيشته‌جى كه‌مپ ئاواره‌يلن له‌ هه‌رێم كوردستان.

FaceIraq
}