2019-10-23 11:42:00

شه‌فه‌ق نيوز/ بزووتنه‌وه‌ى نوجه‌با له‌باره‌ى په‌يوه‌ندى "ئه‌بو زه‌ين لامى" وه‌ڕيه‌وبه‌ر ئاسايش حه‌شد شه‌عبى له‌ كوشتن خوه‌ينيشانده‌ره‌يل له‌ سه‌ره‌تاى ئى مانگه‌ له‌ وه‌خت خوه‌ينيشانداينه‌يل قسه‌ كرد و ئه‌و هه‌واڵه‌ خسته‌ دروو.

 

له‌و باوه‌ته‌و، نه‌سر شه‌مه‌رى قسه‌كه‌ر وه‌ناو بزووتنه‌وه‌گه‌ له‌ به‌ياننامه‌يگ وت: هه‌وڵه‌يل خراو كه‌ناڵ حوڕه‌ى ئه‌مريكا وه‌رده‌وامه‌ له‌ په‌لامارداين شيرازه‌ى عراقى و دويا هه‌وڵه‌يشى ئه‌وه‌سه‌ حه‌شد شه‌عبى تيكه‌ڵ بكاو وه‌ڕيه‌وبه‌ر ئاسايش حه‌شد وه‌ كوشتن خوه‌ينيشانده‌ره‌يل تومه‌تبار بكا ك هه‌رچه‌نى حه‌شد شه‌عبى له‌و باوه‌تيشه‌و هه‌ڵويست فه‌رمى نيشاندا وه‌ ئه‌وه‌گ دژ خوه‌ينيشانده‌ره‌يل نه‌وسياگه‌و ئى كاره‌ وه‌ ته‌مامى دويره‌ له‌ ره‌فتار وه‌ڕيه‌وبه‌رايه‌تى ئاسايش حه‌شد.

 

به‌ياننامه‌گه‌ وت: گشت ئى كرده‌وه‌يله‌ رۆڵ پيلان و خراوه‌كارى ئه‌و كه‌ناڵ و ئداره‌ى ئه‌مريكا ده‌رئه‌خه‌ن ك پشتى گرتگه‌و ته‌مويلى ئه‌كا ئه‌را ده‌رخستن ئى رۆڵ گومانيليكرياگه‌.

FaceIraq
}