2019-08-07 08:54:01

شه‌فه‌ق نيوز/ يسرايل كاتس وه‌زير خارجيه‌ى ئسرائيلى، ئاشكراى ئه‌وه‌ كرد وڵاته‌گه‌ى به‌شدارى له‌ هيز ئاسمانى ده‌رياوانى ئه‌كا ك وڵاته‌يل يه‌كگرتگ هه‌وڵ ئه‌را دامه‌زراننى ئه‌ياد له‌وه‌ر ده‌سه‌وه‌ركردن جموجويل ده‌ريايى له‌ كه‌نداو.

 

كاتس وت: ئسرائيل به‌شيگه‌ له‌و هاوپه‌يمانيه‌ ك وڵاته‌يل يه‌كگرتگ سه‌رۆكايه‌تيى ئه‌كا ئه‌را پاسه‌وانيكردن ريه‌يل بازرگانى له‌ كه‌نداو و له‌ به‌رژه‌وه‌ندى ئسرائيله‌ دوشمنايه‌تى ئيران له‌ ناوچه‌گه‌ بووسنێد و په‌يوه‌نديه‌يلى وه‌ل وڵاته‌يل هاوسا پته‌و بكا.

 

وه‌زير خارجيه‌ى ئسرائيلى ئاماژه‌يش وه‌ سه‌ردانه‌گه‌ى كرد ئه‌را ئيمارات عه‌ره‌بى يه‌كگرتگ له‌ 30 حزه‌يران ئه‌را به‌شدارى له‌ كۆنگره‌ى نه‌ته‌وه‌يل يه‌كگرتگ ئه‌را كاروبار ژينگه‌و چه‌ويشى كه‌فته‌سه‌ وه‌رپرسيگ باڵاى ئيماراتى له‌وه‌ر تاووتوێكردن مه‌سه‌له‌ى پته‌وكردن په‌يوه‌نديه‌يل له‌ناونى ئسرائيل و ده‌وڵه‌ته‌يل عه‌ره‌بى.

YesIraq
}