2019-10-28 08:32:48

شه‌فه‌ق نيوز/ مارك ئه‌سپه‌ر وه‌زير وه‌رگرى ئه‌مريكا، وت: ئه‌و په‌لاماره‌ ك هيزه‌يل تايبه‌ت ئه‌مريكا له‌ باكوور خوه‌رئاواى سوريا ئه‌نجامى دانه‌ ئامانج له‌لى كوشتن ئه‌بو به‌كر به‌غدادى سه‌ركرده‌ى ريكخرياگ تيرۆريستى داعش بويه‌.

 

ئه‌سپه‌ر ئه‌را وێستگه‌ى(سى, ئين, ئێن)وت: ئيمه‌ هه‌وڵ دايم په‌يوه‌ندى وه‌پيه‌و بكه‌يم و داوايش له‌لى كرديم خوه‌ى راده‌س بكا، وه‌لێ ئه‌و داواكاريه‌گه‌مان ره‌ته‌و كرد و روێ شوونيگ كرد له‌ژير زه‌وێ و له‌وه‌ختيگ هه‌وڵ دايم باريمنه‌ى ده‌يشت ستره‌يگ ته‌قياوه‌.

 

جى باسه‌، وه‌زير وه‌رگرى ئه‌مريكا هه‌ميش وت: دو سه‌رباز ئه‌مريكى وه‌ كه‌مى زه‌خمدار بوينه‌ له‌و پرووسه‌، وه‌لێ وه‌رده‌وامى دانه‌سه‌ خزمه‌ت خوه‌يان.

FaceIraq
}