2019-06-11 10:08:52

شه‌فه‌ق نيوز/ مۆرگان ئۆرتيگۆس قسه‌كه‌ر وه‌ناو خارجيه‌ى ئه‌مريكى وت: ته‌نيا چاره‌سه‌ر وه‌ل ئيران ئه‌وه‌سه‌ ريككه‌فتن تازه‌يگ بكريه‌ێد ك وساننه‌وه‌ى گشت هه‌ڕه‌شه‌يليگ له‌خوه‌ى بگرێد و يه‌يش ده‌رخست ئه‌و 12 مه‌رجه‌يله‌ ك مايك په‌مپيۆ ئاشكراى كردگه‌ خاڵه‌يل بنه‌مايگه‌ ئه‌را ئى ريككه‌فتنه‌.

 

ئه‌رتيگۆس وت: له‌چوارچيوه‌ى سزايه‌يل تازه‌ى ئه‌مريكا ئه‌را بان به‌شيگ له‌ كه‌رت پترۆكيمياويات ئيران، واشنتۆن ئامانجى ئه‌وه‌سه‌ هه‌ر كومپانيايگ له‌و كه‌رته‌ بگرێده‌ ئامانج يا هه‌ر كه‌رتيگ تر ك پشتگيرى دارايى ئه‌را ئه‌و كۆمپانيايه‌يله‌ پيشكه‌ش بكا ك كه‌فتنه‌سه‌ وه‌ر ئه‌و سزايه‌يله‌.

 

جى باسه‌، قسه‌كه‌ر وه‌ناو وه‌زاره‌ت خارجيه‌ى ئه‌مريكى يه‌يش باسكرد ك هه‌ڵمه‌ت فشاره‌يل ئه‌مريكى ئه‌را بان ئيران وه‌رده‌وام ئه‌دێ و وت: ته‌نيا چاره‌سه‌ريگ وه‌ل ئيران ريككه‌فتن تازه‌سه‌ له‌ڕێ 12 خاڵه‌گه‌ ك وه‌زير خارجيه‌ى ئه‌مريكى باسى كرد ك بايه‌سه‌ جێوه‌جى بكريه‌ێد وه‌رجه‌ لاوردن سزايه‌يل و ك گرنگترينيان پيكهاتگه‌ له‌وه‌گ بايه‌سه‌ ئيران گشت شيوازه‌يل به‌رنامه‌ ئه‌تۆميه‌گه‌ى ئاشكرا بكاو ڕێگه‌ وه‌ تيم وشكاننكاره‌يل بيه‌ێد و كار له‌بان داناين مه‌رزيگ ئه‌را مووشه‌كه‌يل باليستى بكريه‌ێد و  ئيران واز له‌ پشتگيرى گرووپه‌يل تيرۆريستى بارێد وه‌ل باقى خاڵه‌يل تر له‌وه‌ر دانيشتن ئه‌را ريككه‌فتن.

YesIraq