2019-09-25 19:46:24

شه‌فه‌ق نيوز/ شه‌معون ئاران رووژنامه‌نويس ئيسرائيلى و نويسه‌ر كاروبار سياسى له‌ ده‌سه‌ى په‌خش ئسرائيلى له‌ بان ماڵپه‌ڕ كۆمه‌ڵايه‌تى تويته‌ر, ناسنامه‌ى ئه‌و هه‌ردوگ وه‌زير عه‌ره‌بيه‌ ئاشكرا كرد ك چه‌ويان كه‌فته‌سه‌ وه‌زير خارجيه‌ى ئسرائيل له‌ نيويۆرك.

 

ئاران له‌ زووان سه‌رچه‌وه‌يليگ ئاگادار نويساگه‌: يسرائيل كاتس وه‌زير خارجيه‌ى ئسرائيل له‌ په‌راوێز كۆمه‌ڵه‌ى گشتى نه‌ته‌وه‌يل يه‌كگرتگ له‌ نيويۆرك چه‌وى كه‌فته‌سه‌ هه‌ر يه‌ك له‌ خالد بن ئه‌حمه‌د ئال خه‌ليفه‌ وه‌زير خارجيه‌ى به‌حره‌ينى و عادل جوبێر وه‌زير ده‌وڵه‌ت ئه‌را كاروبار خارجيه‌ى سعودى.

 

جى باسه‌، ئاران له‌ توێته‌ر يه‌يش ده‌رخستگه‌ ك هويچ لايه‌نيگ فه‌رمى ئسرائيلى يا لايه‌نه‌يل تر تائيسه‌ جه‌خت له‌بان ئى هه‌واڵه‌ نه‌كردنه‌.

}