ئيران ماوه‌ى گرتن زانايگ كورد دريژه‌و كرد

Category: هــــه‌واڵ جیــهانى

Date: 2019-09-13T11:38:35+0000

شه‌فه‌ق نيوز/ شه‌فه‌ق ره‌حمانى، هاوسه‌ر كامل ئه‌حمه‌دى توێژه‌ر و زاناێ ئه‌نترۆپۆلۆجياى كورد ئيران، ئاشكراى دريژه‌وكردن ماوه‌ى گرتن هاوسه‌ره‌گه‌ێ كرد له‌لايه‌ن ده‌سڵاته‌يل دادوه‌رييه‌و.

 

ره‌حمانى له‌ لێدوانيگ ئه‌را "تووڕ مافه‌يل ئاده‌ميزاد كورد" ئه‌وه‌ ده‌رخست ك له‌ى رووژه‌يل دوياخره‌ و ئه‌را يه‌كه‌مجار سه‌ردان هاوسه‌ره‌گه‌ێ بكا له‌وه‌ختيگه‌و گيرياگه‌، ئه‌ويش له‌وه‌خت ئاماده‌بوينى له‌ دادگا.

 

جى باسه‌، كامل ئه‌حمه‌دى توێژه‌ريگ ئيرانى - بريتانيه‌و له‌ شار نه‌قده‌ى سه‌ر وه‌ پاريزگاى ئازه‌ربايجان خوه‌رئاوا له‌ باكوور خوه‌رهه‌ڵات ئيران هاته‌سه‌ دونيا، ك له‌ توێژێنه‌وه‌يلى باس له‌ باوه‌ته‌يل جياجيا كردگه‌، له‌وانه‌يش: كاركردن مناڵ و خه‌ته‌نه‌كردن دويه‌ته‌يل و هاوسه‌رگيرى وه‌ختى و بارودوخ كه‌مينه‌يل له‌ ئيران.