2019-07-20 10:41:03

شه‌فه‌ق نيوز/ جيرمى هانت وه‌زير خارجيه‌ى بريتانيا، ئاشكراى ئه‌وه‌ كرد بريتانيا وه‌شيوه‌يگ له‌يه‌كه‌ودرياێ و وه‌هيزيگ جواو ئيران ئه‌ياده‌و له‌باره‌ى ده‌سوه‌سه‌رگرتن كه‌شتيه‌ نه‌فتهه‌ڵگره‌ بريتانيه‌گه‌ و وشدارييش دا له‌وه‌گ ئيران زه‌ره‌دمه‌ن گه‌ورا بدێ ئه‌گه‌ر رێ له‌ ئازادى ده‌رياوانى بگرێد.

 

جيرمى هانت باس له‌وه‌ كرد ك وه‌ل مايك په‌مپيۆ وه‌زير خارجيه‌ى ئه‌مريكا بارودوخه‌گه‌ تاووتوێ كردنه‌و پيشبينى يه‌يش ئه‌كا باسى ئه‌را محه‌مه‌د جه‌واد زه‌ريف هاوتا ئيرانيه‌گه‌ى بكاو وت: ئيمه‌ ناگه‌رديمنه‌ شوون بژارده‌يل سه‌ربازى، به‌ڵكوو ئه‌گه‌رديمنه‌ شوون ريه‌يل دبلۆماسى ئه‌را چاره‌سه‌ركردن هه‌ڵويسته‌گه‌.

 

ئه‌و دبلۆماتكار بريتانيه‌ هه‌ميش وت: ئه‌گه‌ر هات و گيچه‌ڵ خريا ئازادى ده‌رياوانى، ئه‌وه‌ له‌ى حاڵه‌ته‌ ئيران زه‌ره‌دمه‌ن گه‌ورا ئه‌دێ و جه‌ختيش له‌وه‌ كرد ك به‌رژه‌وه‌ندێ ها له‌ورا وه‌ گورجترين وه‌خت چاره‌سه‌ر كيشه‌گه‌ بكريه‌ێد.

YesIraq
}