2019-05-05 09:17:39

شه‌فه‌ق نيوز/ وه‌گووره‌ى سه‌رچه‌وه‌يل هه‌واڵ و هووكاره‌يل ره‌سانن عه‌ره‌بى، سوپاى سوريا چه‌ن بنگه‌يگ سوپاى توركيا له‌ ناوچه‌ى شێر مه‌غار له‌ ده‌ورگرد پاريزگاى حه‌ما له‌ نزيك شار ئيدلب بۆردومان كردگه‌.

 

هه‌ر وه‌گووره‌ى ئه‌و سه‌رچه‌وه‌يله‌ دوياى بۆردومانگه‌ له‌ڕێ تووپخانه‌يل سوپاوه‌ ك ئه‌نجام درياگه‌ چوار كۆپته‌ر توركى ره‌سينه‌سه‌ ناوچه‌گه‌ ئه‌را جيوازكردن كوژرياگه‌يل و زه‌خمداره‌يل سوپا ك تائيسه‌ وه‌ ته‌واوى شماره‌يان ئاشكرا نيه‌.

 

جى باسه‌، سوپاى سوريايش وه‌ فه‌رمى هويچ قسه‌يگ له‌ باره‌ى ئه‌و بۆردومانه‌ نه‌كردگه‌و لێدوان نه‌ياگه‌.

YesIraq
}