شەپۆلیگ نوو لە پەتای کۆڕۆنا وڵاته‌یلێگ گرته‌ وه‌ر

Category: هــــه‌واڵ جیــهانى

Date: 2020-05-04T18:07:01+0000
شەپۆلیگ نوو لە پەتای کۆڕۆنا  وڵاته‌یلێگ گرته‌ وه‌ر

بڕیگ لە وڵاتەیل فرە قەرەباڵغ لە جیهان باس لە بەرزەوبوین ترسناک پەتای ڤاێڕۆس کۆڕۆنا کەن.
وە گورەی ئاژانس ( ئەسویشید پڕیس) دویای ئاسانکاری لە کارەیل کەرەنتینە ، وڵات هیند گەوراترین تویشهاتگ روژانەی راگەیان ک فرەتر لە ٢٦٠٠ تویشهاتگه‌ لە ماوەی ٢٤ ساعەت . هەمیش روسیا ک فرەتر لە ١٠ هەزار تویشهاتگ ئەرا یەکەم جاریە تۆمار بکەێد.
لە میسر، هەژمار تویشهاتگەیل وە شیوەی گەورایگ بەرزەو بوی، ک لەی روژەیلە سەدها تویشهاتگ تۆمار کرد، دویای ئه‌وه‌ ک حوکمەتەگەی کارەیل کەرەنتینە سوکەو کرد و له‌ شوونی تویشهاتگەیل رەسیە ٦٠٠٠ کەس.
وەرژە یە پسپۆڕەیل تەندروسی چەنها هوشداری دان لە شەپۆل دووەم تویشهاتن، تەنیا وەخاتر کەمیگ ئاسانکاری لە کەرەنتینە، ئەگەر پشكنین وە شیوەیگ وازتر وڵاوە نەکریەێد، دویای چەن مانگیگ لە کەرەنتینە، و رمانن ئابوری وە شیوەیگ ک جیهان نەدیەسەی لە سييەگان سەدەی وەرینەو جەخت هەوڵداین ئەرا دووارە کردنەوەی كه‌ره‌نتین فرەترەو بود،.
لای خوەیەو دۆناڵد تڕامپ سەرۆک ئەمریکا باس لە نیاز خوه‌ی کرد ئه‌را کردنەوەی ئابوری، وتیش: بایەسە دووارە وە ئەمان بکەیمنەوەی بەڵکم وە زویترین وەخت.
دیبۆڕا بێرکس رێکخەر ڤاێڕۆس تاجیەگان لە ماڵ چەرمگ لە وتار روژنامەوانی باس لە ترس خوەی لە باوەت ناڕەزەیاتەگان کرد ک کەسەیلیگ چەکدار هەڵسیەن وەپی، ك فرەجار دەمچەو پیچانە و داوای کۆتایی کەرەنتینە و دووارە وەکارخستن گشتی ئابوری کەن.
وتیش؛ ئی کارە لای خوەمەو فرە ترسناكه‌ چوینکە ئەگەر چینەو ئەرا ماڵ و باپیرو داپیر خوەیان تویش هاوردن، خو گشت تەمەنیان هەست وە تاوان کەن، ئەرا ئه‌وه‌ وە مقەیەتی یەکتر خوازیمن.
دکتۆر تۆم ئینگلیسبی، وەڕیەوبەر ناوەند ئاسایش تەندروسی لە کولێژ جۆنز هۆبکینز ئەرا تەندروسی گشتی، وت؛ ئەگەر قەیەغە وەی زویە هەڵگریەێد، شایەت ڤاێڕۆسەگە وە شەپۆڵەیلیگ بویچگ بادەو ئەرا شوینەیلیگ جوراوجور لە گشت وڵاتەگە.
لە بڕیتانیا، بۆریس جۆنسون سەرۆک وەزیران، وه‌ل سەدها مردگ روژانە ، ها لە ژیر گوشار ک چوین کەرەنتینەی وڵاتەگەی هەڵگرێدک، ك بڕیارە تا روژ پەنجشەممە وەردەوام بود .

related