ماڵپه‌ڕ ئيران جه‌خت له‌ كوشيان 140 خوه‌ينيشانده‌ر له‌ شاره‌يل كوردنشين كرد

Category: هــــه‌واڵ جیــهانى

Date: 2019-12-05T19:28:06+0000

شه‌فه‌ق نيوز/ ماڵپه‌ڕ "كه‌ليمه‌"ى نزيك له‌ مير حه‌سه‌ن موسه‌وى، يه‌كيگ له‌ سه‌ركرده‌يل بزووتنه‌وه‌ى سه‌وز ئيرانى، ئاشكراى ئه‌وه‌ كرد زياتر له‌ 140 كه‌س كوشيانه‌ له‌ پرووسه‌ى كوشتن خوه‌ينيشانده‌ره‌يل له‌ماوه‌ى خوه‌ينيشانداينه‌يل نۆڤه‌ميه‌ر(ته‌شرين دويه‌م)گوزه‌يشت له‌ پاريزگايه‌يل كرماشان و كوردستان و ئازه‌ربايجان خوه‌رئاوا.

 

ماڵپه‌ڕه‌گه‌ له‌ كه‌ناڵه‌ تليگراميه‌گه‌ى وت: وه‌گووره‌ى زانياريه‌يل ته‌واويگ ك ده‌س ماڵپه‌ڕه‌گه‌ كه‌فتگه‌، 70 كه‌س له‌ كرماشان كوشيانه‌و 40 كه‌س له‌ مه‌ريوان و 25 كه‌س له‌ جوانڕۆ و 5 كه‌س بۆكان له‌ڕێ گوله‌ى راسه‌وخۆ له‌لايه‌ن هيزه‌يل سه‌ربازى و ئه‌منى ئيرانى ك دڵنگ فه‌رمى سه‌ربازى و مه‌ده‌نى ها وه‌ريان.

 

جى باسه‌، زويتريش مير حسێن موسه‌وى تومه‌تبار عه‌لى خامه‌نه‌يى رابه‌ر ئيرانى كرد له‌باره‌ى كوشيان خوه‌ينيشانده‌ره‌يل له‌ى خوه‌ينيشانداينه‌يل دوياخره‌ ك به‌رپا بوێ له‌ ئيران.