2019-05-03 11:02:05

شه‌فه‌ق نيوز/ برياره‌گه‌ێ دۆناڵد تره‌مپ سه‌رۆك ئه‌مريكا له‌باره‌ى وسانن هه‌يشت ده‌وڵه‌ت له‌ گه‌ورا هاورده‌كاره‌يل نه‌فت ئيرانى له‌ وه‌خشينه‌يل ئه‌مريكى كه‌فته‌ بوار جيوه‌جيكردن ك له‌ ئمڕووه‌ ئى ده‌وڵه‌ته‌يله‌ روێ سزايه‌يل ئه‌مريكى بوونه‌و ئه‌گه‌ر وه‌رده‌وام بوون له‌ سه‌ندن نه‌فت ئيرانى.

 

له‌ى باوه‌تيشه‌و هه‌نارده‌يل نه‌فت ئيرانى روێ له‌ داوه‌زين ئه‌كه‌ن ئه‌را سفر له‌ ده‌مه‌و سوو ئمڕوو جومعه‌ وه‌ل وسانن بڕيار وه‌خشين له‌بان هه‌يشت ده‌وڵه‌ت له‌وانه‌يش چين و هند و كۆرياى باشوور و توركيا.

 

جى باسه‌، سزايه‌يل ئه‌مريكى نه‌ك هه‌ر كاريگه‌رى ئه‌كاده‌ بان لايه‌نه‌يل ئابوورى، به‌ڵكوو كه‌لينيگيش دروس ئه‌كا له‌ په‌يوه‌ندى له‌ناونى باڵه‌يل رژيم ئيرانى، ك له‌لايگه‌و رۆحانى و هاوپه‌يمانه‌يلى لايه‌نگرى دانيشتنه‌يل مه‌رجدار ئه‌كه‌ن و له‌لايگيشه‌و عه‌لى خامه‌نه‌يى رابه‌ر باڵاى ئيرانى و پاسه‌وانه‌ شۆڕشه‌گه‌ى هويچ ته‌نازوليگ قه‌بول ناكه‌ن.

FaceIraq
}