2019-09-21 09:09:11

شه‌فه‌ق نيوز/ هه‌ناى ك هه‌فته‌ى گوزه‌يشت 18 ته‌ياره‌ى بى ته‌ياره‌وان په‌لامار گه‌وراترين دامه‌زرياێ نه‌فتى دان له‌ سعوديه‌, نزيكه‌ى 100 كارمه‌ند ئاگركوشنه‌وه‌ ره‌سينه‌ شوون رويداگه‌گه‌ ئه‌را كوشاننه‌وه‌ى ئه‌و ئاگره‌ ك به‌رپابوێ وه‌بوونى په‌لاماره‌گه‌و له‌ماوه‌ى چه‌ن ده‌قه‌يگ تيمه‌يل ئاگركوشنه‌وه‌ ره‌سينه‌ شوونه‌گه‌ له‌ كارخانه‌يل به‌قيق و خه‌ريس ك دويه‌م گه‌ورارين سه‌رچه‌وه‌يل نه‌فتيه‌ له‌ شانشين.

 

دوياى شه‌ش رووژ له‌و په‌لاماره‌ ك ئه‌نجام دريا ئه‌را بان دڵ پيشه‌سازى وزه‌ى سعودى و بويه‌ هووكار گرژه‌وبوين بارودوخه‌گه‌ له‌ناونى سعوديه‌و دوشمنه‌ سه‌رسه‌خته‌ى ئيران، كۆمپانياى ئارامكۆ حكومى دو مه‌وقع له‌وه‌رده‌م هووكاره‌يل ره‌سانن جه‌هانى واز كرد ئه‌را ئاگاداربوين له‌ زه‌ره‌ده‌يل و هه‌وڵه‌يل خاسه‌وكردن شوون ئه‌و په‌لاماره‌يله‌.

 

نوێنه‌ره‌يل ئارامكۆ ئه‌را رووژنامه‌نويسه‌يل باس له‌ چوينێتى كه‌فتنه‌وه‌ى ئه‌و په‌لاماره‌ كردن ك له‌تى دووان له‌ گه‌وراترين كۆمپانيايه‌يل له‌ جه‌هان گرته‌ ئامانج له‌بان ئاست به‌رهه‌مهاوردن نه‌فت و له‌و باوه‌ته‌و فه‌هه‌د عه‌بدولكه‌ريم وه‌ڕيه‌وبه‌ر گشتى ناوچه‌ى كاره‌يل نه‌فتى باشوور له‌ ئارامكۆ وت: له‌ سه‌عاته‌يل ناونى 0331 تا 0348، مووشه‌ك واران بويه‌ و دوياخريش تيمه‌يل ئاگركوشنه‌وه‌ ره‌سينه‌و له‌ ماوه‌ى په‌نج ده‌قه‌ ئاگره‌گه‌ كوشاننه‌سه‌و.

 

لاى خوه‌ييشه‌و خالد ئه‌لبه‌ريك سه‌رۆك كاره‌يل روين له‌ ناوچه‌ى كاره‌يل نه‌فتى باشوور له‌ ئارامكۆ وت: كوشاننه‌وه‌ى ئاگره‌يليش له‌ ناوچه‌ى به‌قيق هه‌فت سه‌عات كيشاگه‌.

FaceIraq
}