2019-06-18 09:18:57

شه‌فه‌ق نيوز/ سه‌رچه‌وه‌يل دبلۆماسى له‌ نه‌ته‌وه‌يل يه‌كگرتگ ئه‌وه‌ ده‌رخستن ك ئداره‌ى دۆناڵد تره‌مپ سه‌رۆك ئه‌مريكا، خه‌ريك له‌يه‌كه‌وداين پلانيگه‌ له‌وه‌ر ئه‌نجامداين په‌لاماريگ ته‌كتيكى ئه‌را بان ئيران له‌ جواودانه‌وه‌ى وه‌ئامانجگرتن دو كه‌شتيه‌ نه‌فتهه‌ڵگره‌گه‌ له‌ كه‌نداو عومان.

 

له‌و باوه‌ته‌و، رووژنامه‌ى "مه‌عاريف" ئسرائيلى له‌ زووان وه‌رپرسه‌يل دبلۆماسى له‌ باره‌گاى نه‌ته‌وه‌يل يه‌كگرتگ له‌ نيويۆرك وت: ماڵ چه‌رمگ له‌ رووژ جومعه‌ى گوزه‌شيته‌و ده‌س كرده‌سه‌ تاووتوێكردن فراوانيگ وه‌به‌شدارى سه‌ركرده‌يل باڵاى سه‌ربازى و نوێنه‌ره‌يل پنتاگۆن و راوێژكاره‌يل تره‌مپ له‌باره‌ى په‌لاماريگ ته‌كتيكى ئه‌را جوه‌يجيكردنى له‌بان ئيران.

 

وه‌گووره‌ى رووژنامه‌گه، ئه‌و وه‌رپرسه‌يل باس له‌وه‌ كردنه‌ ك كرده‌وه‌ى سه‌ربازيه‌ ك ئيسه‌ له‌يه‌كه‌و ئه‌دريه‌ێد خوه‌ى له‌ جيوه‌جيكردن په‌لاماريگ ئاسمانى دوينێده‌و ئه‌را بان دامه‌زرياگه‌يل ئيرانى په‌يوه‌س وه‌ به‌رنامه‌ ئه‌تۆميه‌گه‌ى ئيران و په‌لاماره‌گه‌يش فراوان ئه‌دێ.

YesIraq
}