2019-09-29 09:58:10

شه‌فه‌ق نيوز/ پۆليس ناوچه‌ى مه‌ككه‌ى پيرووز، يه‌كه‌مين به‌ياننامه‌ى وه‌په‌له‌ ده‌ركرد له‌باره‌ى كوشيان ليوا عه‌بدولعه‌زيز بن به‌داح ئه‌لفه‌غم له‌ پاسه‌وان پاشايه‌تى سعودى ك پاسه‌وان خود شا سه‌لمان بن عه‌بدولعه‌زيز پاشاى سعوديه‌.

 

پۆليس مه‌ككه‌، له‌ به‌ياننامه‌يگ وه‌گووره‌ى ئاژانس هه‌واڵه‌يل سعودى(واس)وت: ئيواره‌ى رووژ شه‌ممه‌ ريككه‌فت29 / 1 / 1441كووچى، هه‌ناى ك ليوا عه‌بدولعه‌زيز بن به‌داح ئه‌لفه‌غم له‌ سه‌ردانيگ بويه‌ له‌لاى توركى بن عه‌بدولعه‌زيز ئه‌لسه‌بتى براده‌رى له‌ ماڵه‌گه‌ێ خوه‌ى له‌ گه‌ڕه‌ك ئه‌لشاتى له‌ پاريزگاى جده‌، براده‌يگ تر وه‌ناو مه‌مدوح بن مشعه‌ل ئال عه‌لى هاه‌سه‌ لايان و له‌وه‌خت قسه‌كردن ده‌مه‌قاڵ كه‌فته‌سه‌ ناونى ليوا غه‌بدولعه‌زيز و مه‌مدوح ئال عه‌لى و قاڵه‌گه‌ گه‌وراوه‌ بويه‌و مه‌مدوح ئال عه‌لى چه‌ك وه‌پى بويه‌و وه‌ گوله‌ ته‌قه‌ له‌ ليوا عه‌بدلعه‌زيز كردگه‌و زه‌خمدارى كردگه‌ وه‌ل زه‌خمداركردن دووان تر له‌ ماڵه‌گه‌ ك براى خاوه‌ن ماڵه‌گه‌ بوينه‌و كارگه‌ريگيش فلپينى زه‌خمدار بويه‌و لاى خوه‌ييشه‌و عه‌بدولعه‌زيز وه‌ هه‌مان شيوه‌ ته‌قه‌ كردگه‌ له‌و تاوانباره‌و پۆليسيش هاتنه‌سه‌ ده‌س و مه‌مدوح كوشتنه‌و دوياخريش ليوا عه‌بدولعه‌زيز له‌وه‌خت جيوازكردنى ئه‌را نه‌خوه‌شخانه‌ گيان له‌ده‌سداگه‌.

 

جى باسه‌، به‌ياننامه‌گه‌ هه‌ميش وت: له‌و رويداگه‌ توركى بن عه‌بدولعه‌زيز ئه‌لسه‌بتى كوشياگه‌ وه‌ل جيفرى دالفينۆ ساربوز يه‌نگ ك فلپينى و كارگه‌ر بويه‌ له‌ ماڵه‌گه‌.

}