2019-05-14 09:07:47

شه‌فه‌ق نيوز/ رووژنامه‌ى "نيويورك تايمز" باس له‌وه‌ كرد پنتاگۆن پلانيگ خاس سه‌ربازى داناگه‌ له‌وه‌ر كلكردن نزيكه‌ى 120 هه‌زار سه‌رباز ئه‌را خوه‌رهه‌ڵات ناوين، له‌ حاڵه‌تيگ ئه‌گه‌ر هيزه‌يل ئيرانى په‌لامار هيزه‌يل ئه‌مريكى بيه‌ن يا ده‌س بكاده‌ به‌رهه‌مهاوردن چه‌ك كيمياوى.

 

رووژنامه‌گه‌ له‌ زووان وه‌رپرسه‌يليگ له‌ ماڵ چه‌رمگ وت, رووژ په‌نجشه‌ممه‌ى گوزه‌يشت باتريك شاناهان ريكخه‌ر كاره‌يل وه‌زيره‌يل وه‌رگرى ئه‌مريكى ئى پلانه‌ پيشكه‌ش كردگه‌ له‌ دانيشتنيگ ئه‌را گه‌ورا ده‌سميه‌تده‌ره‌يل ئه‌منى دۆناڵد تره‌مپ سه‌رۆك ئه‌مركى.

 

رووژنامه‌گه‌ هه‌ميش وت: ئى پلانه‌ له‌بان داواكارى جۆن بۆڵتن راوێژكار سه‌رۆك ئه‌مريكا ئه‌را كاروبار ئاسايش نه‌ته‌وه‌يى دانرياگه‌و وه‌قسه‌ى نيويۆرك تايمز ئى سيناريۆ ده‌خاڵه‌ت زه‌مينى له‌ ئيران ناگريده‌و، چوينكه‌ ئه‌وه‌ هه‌وه‌جه‌ وه‌ هيزه‌يل فريه‌ ئه‌كا.

FaceIraq
}