پێکهاتەیگ سحری شایەت کۆڕۆنا لەناو بوەێد

Category: هــــه‌واڵ جیــهانى

Date: 2020-05-13T22:36:54+0000
پێکهاتەیگ سحری شایەت کۆڕۆنا لەناو بوەێد

شەفەق نیوز/ توێژەرەیل ئوستڕالی ئویشن پێکهاتەیگ سحری دینەسەو ک شایەت بوده‌ واکسین مەلاریا، و شایەت توانای لەناوبردن ڤاێڕۆس کۆڕۆنای نووەوبوی بیاشتوود.
مەلاریا وە یەکیگ لە فرە بکوشترین بیماره‌یل دانریەێد، ک ساڵانە سەدها هەزار کەس کوشێد، خوەی بیمارییگه‌ مێشولە رەسنیگەی ئایەم، وچوودە ناو جگەر، ئیجا پەک ئەندامەیل لەش خه‌ید و له‌شوونی كه‌سه‌گه‌ مرید .
روژنامەی دەیلی میل بڕیتانی نویساس ؛ توێژینه‌وه‌‌یگ ئەنجام دریا لە پەیمانگەی بیتەر دۆهەرتی لە زانکۆی میلبۆڕن، شیوەیگ دینەسەو ئەرا نواگردن مەلاریا ك نوای چگنی گریگ ئەرا خانەیل خوین سوور.
ئیرینا کامینشی ماموستایگ بەشدار لە توێژینه‌وه‌گە باس کرد ک کوتانەگەمان دووقات خانەیل بکوش زیاد کەێدو توانای لەناوبردن خانەیل تویشهاتگ مەلاریا دیرێد، ئەراوە شیواز کوتانەگەمان یەکجار جیوازە.
توێژەرەیل لە تاقیەگانیان ئەرا گەشەداین کوتانەگە، مویش وەکار هاوردن، ک پاراستنی لە مەلاریا سەختە، ودین ک توانا دیرن ئەرا پاڕاستن مویشەیل ئەرا ماوەیگ رەسێدە ٢٠٠ روژ.
دکتۆر دانییل فرناندیز رۆیز نوسەر بەشدار وت؛ کوتانەگە وەی نزیکە توانادار بوود ئەرا مقەیەتی ئایمەیل لە مەلاریا. وتیش؛ شیواز کاریان ئەرا گەشەی کوتان مەلاریا گونجاننیه‌ ئەرا هاوکاری لە وەدەسکەفتن کوتان کۆڕۆنای نووەوبوی. هەمیش وت؛ لە ری بڕیگ روه‌ش، توانای ئه‌وه‌ هەس وەڕاسی وەرگری و مقیەتی دروس بکاد . ئەرا وە تویەنیمن ئی ستڕاتیژە وەکار باریمن، ئەرا دروس کردن خانەیل بکوشیگ ک ئامادە بوود دژ کۆفید-١٩ وەرجە جاگیربوینی لە لەش مرۆڤ .

related