2019-09-12 08:32:33

شه‌فه‌ق نيوز/ ئسحاق جهانگيرى جيگر يه‌كه‌م سه‌رۆك ئيرانى، خوه‌شاڵى خوه‌ى ده‌رخست له‌باره‌ى هه‌ڵوه‌شاننه‌وه‌ى ڤيزا ئه‌را زياره‌تكاره‌يل له‌وه‌خت زياره‌ت عاشورا و هه‌وڵه‌يل حكومه‌ت عراقى له‌ وازكردن ده‌روازه‌ى مه‌رزێ خوسره‌وێ.

 

له‌وباوه‌ته‌و، هووكاره‌يل ره‌سانن ئيرانى له‌ زووان جهانگيرى له‌ ميان په‌يوه‌ندييگ ته‌له‌فۆنى وه‌ل عادل عه‌بدولمه‌هدى سه‌رۆك ئه‌نجومه‌ن وه‌زيره‌يل وت: ئيران وه‌ حكومه‌ت و ملله‌ته‌و ئاماده‌ن ئه‌را ده‌سميه‌تداين عراق وه‌ حكومه‌ت و ملله‌تيه‌و وه‌هه‌ر شيوه‌يگ له‌ سازكردن مه‌راسيم گه‌وراى زياره‌ت چله‌ى ماته‌مينى.

 

جه‌هانگيرى له‌و په‌يوه‌نديه‌ ئوميد ئه‌وه‌يش خواسن هه‌رچى زويتره‌ ريككه‌فتنه‌يل ئمزاكرياێ له‌ناونى به‌غدا و ته‌هران جێ وه‌جێ بكريه‌ێد و ئداره‌ى حكومه‌ت عراقى و خواسته‌يلێ له‌ جيوه‌جيكردن ئه‌و ريككه‌فتنه‌يليشه‌ وه‌ سوودمه‌ن و كاريگه‌ر تاريف كرد.

}