2019-06-28 10:11:14

شه‌فه‌ق نيوز/ ده‌وڵه‌ت ئيمارات فريه‌ وه‌ تونى ئه‌و ده‌سدريژيه‌ ئه‌را بان باڵيۆزخانه‌ى به‌حره‌ين له‌ به‌غداى پايته‌خت ئدانه‌ كرد.

 

له‌ى باوه‌ته‌و، ئه‌نوه‌ر قه‌رقاش وه‌زير ده‌وڵه‌ت ئيماراتى ئه‌را كاروبار خارجى وت: ده‌سدريژى ئه‌را بان باڵيۆزخانه‌ى شانشين به‌حره‌ين برا له‌ به‌غدا ره‌ته‌وكرياگ و ئامانجدار و گرژكردنه‌وه‌ى مه‌ترسيدار بارودوخه‌ له‌ڕوێ ئاسا ياسايى و سياسى.

 

قه‌رقاش له‌ تويتيگ داوايش له‌ حكومه‌ت عراقى كرد پابه‌ند بدێ وه‌شيوه‌يگ ياسايى وه‌رانوه‌ر مقه‌يه‌تيكردن له‌ كار دبلۆماسى و باره‌گايه‌يل و باڵيۆزخانه‌يل له‌ به‌غداى پايتخت و شاره‌يل عراقى، يه‌يش له‌وه‌ختيگه‌ نويسينگه‌ى ره‌سانن عادل عه‌بدولمه‌هدى سه‌رۆك وه‌زيره‌يل عراقى له‌ به‌ياننامه‌يگ ئه‌و ده‌سدريژيه‌ ك له‌تى خوه‌ينيشانده‌ره‌يل هه‌ڵكوتانه‌ بان باڵيۆزخانه‌ى به‌حره‌ينى له‌ به‌غدا وه‌ جى داخ تاريف كرد.

}