بەسرە دادکەێد لە کەمی ئامێرەیل تاقیکردن کۆڕۆنا

Category: هــــه‌واڵ عــیراق

Date: 2020-06-17T13:41:59+0000
بەسرە دادکەێد لە کەمی ئامێرەیل تاقیکردن کۆڕۆنا

شەفەق نیوز/ شانەی قەیرانەگە لە پارێزگای بەسرە، ئمڕوو چوارشەممە، دووپاتکرد لە کەمی ئامێرەیل تایبەت وە ئاشکراکردن ڤایڕۆس کۆڕۆنا، و دوو پەیام ئەرا هاووڵاتیەیل رەوانە کرد.
زرغام ئەجوەدی ئەندام شانەی قەیرانەگە لە بەسرە و جیگر پارێزگارەگە ئەرا ئاژانس شەفەق نیوز وت: ژمارەی تووشهاتنەگان دویەکە لە ١٧٧٠ رەدکرد، ئەویش قەرەباڵغیگ لەبان دامەزراوە تەندروسیەگان وکادرەیلیان دروسکرد.
وتیش؛ ژمارەی ئامێرەگان بەش ژمارەی سەردانەیل ئەرا دامەزراوە تەندروسیەگان نیەکەێد ، وبایەسە هاووڵاتیەگان وەختا دیاربوین بیماریەگە دوینن سەردان دامەزراوە تەندروسیەگان بکەن ئەرا تاقیکردن پزشکی.
جیگر پارێزگار بەسرە هەمیش وت؛ بایەسە هاووڵاتیەیل پابەندبون وە رێکارەیل مقەیەتیە تەندروسیەگان، ئەرا کەمەوکردن پەتای کۆڕۆنا لە گشت ناوچەیل پارێزگاگە.
عراق، دویەکە سێشەممە، ژمارەیل بی وەرینیگ تۆمارکرد لە تووشهاتگەیل کۆڕۆنا، وە ٦٠ مردگ و
هەزارو ٣٨٥ تووشهاتگ نوو لەماوەی یەک روژ، ک هێشت ژماره‌ی گشت تووشهاتنەگە بەرزەوبوود ئەرا ٢٢ هەزار و ٧٠٠ كه‌س، ك ٧٢ كه‌س لەناویان مردگە، و ٩ هەزار و ٨٦٢ خاسەوبوینه‌.

related