2019-06-24 09:52:09

شه‌فه‌ق نيوز/ له‌ساى گرژيه‌يل ناونى ئه‌مريكاو ئيران ك ره‌سيه‌سه‌ ئه‌وه‌گ ده‌خاڵه‌ت سه‌ربازێ له‌لى په‌يا بدێ، مايك په‌مپيۆ وه‌زير خارجيه‌ى ئه‌مريكا ئاشكراى ئه‌وه‌ كرد ك سه‌ردان جده‌و ئه‌بو زه‌بى ئه‌كا له‌وه‌ر ئه‌نجامداين گفتگوو له‌باره‌ى گرژيه‌يل وه‌ل ئيران.

 

وه‌گووره‌ى قسه‌ى دۆگلاس بانداو گه‌ورا توێژه‌ره‌يل له‌ په‌يمانگاى كيتۆ، ئه‌وه‌ ده‌ركه‌فت ك سعوديه‌و ئيمارات باس له‌وه‌ كردنه‌ ك هه‌ڵويستيگ تون وه‌رانوه‌ر ئيران ئه‌خوازن و داوايش له‌ ئه‌مريكا كردنه‌ جه‌نگ له‌ جيايان بكا، يه‌يش له‌ هه‌مان وه‌خت لقا مه‌كى توێژه‌ باس له‌لى كرد ك باوه‌ڕى ئه‌وه‌سه‌ سه‌ردانه‌گه‌ى په‌مپيۆ ئه‌چێده‌ چوارچێوه‌ى كۆنترۆڵكردن كاره‌يليگ وه‌ل رياز و ئه‌بو زه‌بى و زاستن مه‌سه‌له‌گه‌ له‌ په‌يوه‌بدى ئه‌مريكا وه‌ل هه‌ردوگلا.

 

مه‌كى هه‌ميش وت: ئى سيناريۆ ئه‌گه‌ركرياگه‌ ئه‌وه‌سه‌ ك ناوچه‌يليگ له‌ سوريا بخريه‌ێده‌ ژير ده‌سڵات ئسرائيل و به‌تاڵ بدێ له‌ وجوود ئيرانى و ماف ئازادى ره‌فتاريش له‌ عراق وه‌ ئيران بدريه‌ێد وه‌ل مقه‌يه‌تيكردن له‌ به‌رژه‌وه‌نديه‌يل ئه‌مريكى و دوياخريش بڕه‌سيه‌يده‌ ريككه‌فتنيگ تازه‌ى ئه‌تۆمى ك رازى گشتلايگ بكا.

FaceIraq
}