خوه‌ينيشانداين شه‌وانه‌ له‌ باشوور عراق دژ حكومه‌ت كازمى ده‌سوه‌پيكرد

Category: هــــه‌واڵ عــیراق

Date: 2020-05-10T11:19:46+0000

شه‌فه‌ق نيوز/ دويه‌شه‌و شه‌ممه‌ له‌ شاره‌يل باشوور عراق خوه‌ينيشانداين تويڕه‌يى له‌لايه‌ن خوه‌ينيشانده‌ره‌يل ته‌شرينه‌و دژ حكومه‌ت مسته‌فا كازمى سه‌رۆك ئه‌نجومه‌ن وه‌زيره‌يل ده‌سوه‌پيكرد.

خوه‌ينيشانده‌ره‌يل له‌ شاره‌يل گه‌ورايگ له‌ باشوور ده‌سكردنه‌ خوه‌ينيشانداين له‌ناو جاده‌يل و هتاف دژ باقى گه‌نده‌ڵكاره‌يل دزه‌يل كيشان وه‌ ئه‌وه‌گ حكومه‌ت موحاسبه‌يان ناكاو ناڕه‌زايه‌تييش له‌باره‌ى خراوى خزمه‌تگوزارى و بژيوى له‌ وڵات نيشاندان، وه‌ جووريگ له‌ پاريزگاى واست ئاگر له‌ باره‌گاى وه‌رين ريكخرياگ به‌در وه‌ سه‌رۆكايه‌تى هادى عامرى وه‌ردان.

له‌ ديوانيه‌يش جوور ئه‌وه‌گ په‌يامنێر شه‌فه‌ق نيوز باس له‌لى كرد، خوه‌ينيشانده‌ره‌يل رێ سه‌ره‌كى ديوانيه‌ - نه‌جه‌ف وه‌ تايه‌ر ئاگردرياى بڕين.