2019-09-14 09:59:59

شه‌فه‌ق نيوز/ بانك رافده‌ين ئاشكراى فراوانكردن ئه‌و كۆمه‌ڵگه‌يل وه‌به‌رهاورن نيشته‌جيكردنه‌ كرد ك ئه‌كه‌فنه‌ وه‌ر قه‌رز(100)مليۆن ديناره‌گه‌ ئه‌را كارمه‌نده‌يل له‌وانه‌گ مووچه‌يليان له‌لاى بانكه‌گه‌ جيگيره‌ و(50)مليۆن ديناريش ئه‌را هاووڵاتيه‌يل له‌وه‌ر سه‌ندن يه‌كه‌ى نيشته‌جێ.

 

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ ئه‌را شه‌فه‌ق نيوز وت: ئه‌و كومه‌ڵگه‌يل نيشته‌جيكردنه‌ ك زياێ كريانه‌ ك مه‌رجه‌يليگ ياسايى ديرێد ك له‌ئه‌نجاميشى قه‌رز ئه‌دريێد ئه‌را سه‌ندن يه‌كه‌ى نيشته‌جێ و پيكهاتنه‌ له‌( كۆمه‌ڵگه‌ێ دوڕه‌ت كه‌ربه‌لا له‌ پاريزگاى كه‌ربه‌لا - كۆمه‌ڵگه‌ى كه‌وسه‌ر له‌ حله‌ - كۆمه‌ڵگه‌ى موسلم بن عه‌قيل له‌ نه‌جه‌ف - كۆمه‌ڵگه‌ى لوئلوئه‌ له‌ موسه‌نا - كۆمه‌ڵگه‌ى ئه‌ڵوه‌ن له‌ جه‌له‌ولا - كۆمه‌ڵگه‌ى باب ناسريه‌ له‌ زيقار) بيجگه‌ كۆمه‌ڵگه‌يل تر ك زويتر كه‌فتنه‌سه‌ وه‌ر قه‌رزه‌يل 100 مليۆنيه‌گه‌ له‌ به‌سره‌ و ناسريه‌ و سه‌ماوه‌.

 

به‌ياننامه‌گه‌ يه‌يش ده‌رخست و وت: ئه‌و كارمه‌نده‌يله‌ ك قه‌رز 100 مليۆنيه‌گه‌ وه‌رئه‌گرن و ئه‌و هاووڵاتيه‌يله‌ ك 50 مليۆنيه‌گه‌ وه‌رئه‌گرن ئه‌را سه‌ندن يه‌كه‌ى نيشته‌جێ ئه‌تويه‌نن بچنه‌ ئه‌و كۆمه‌ڵگه‌يله‌ ئه‌را ئاگاداربوين له‌ شيوازه‌يل ئه‌و شوقه‌يله‌ ك ئه‌خوازن له‌لێ بسينن.

FaceIraq
}