راوێژكاريگ حكومى: نه‌فت عراق وه‌ بوونه‌ى دريغيكردن بسينه‌يله‌و گرفت ئه‌راى په‌يا ئه‌دێ

Category: هــــه‌واڵ عــیراق

Date: 2020-04-25T11:48:40+0000

شه‌فه‌ق نيوز/ مزهر محه‌مه‌د ساڵح راوێژكار ئابوورى عادل عه‌بدولمه‌هدى سه‌رۆك وه‌زيره‌يل كاروه‌ڕيخه‌ر، باس له‌ په‌يابوين گرفت له‌ نه‌فت عراق كرد وه‌بوونه‌ى بڕيگ له‌ بسينه‌يل له‌وه‌ر پڕه‌وبوين بازاڕه‌يل جه‌هانى له‌ خه‌زين نه‌فت خام و وت: راسپاردن له‌باره‌ى په‌ره‌دان وه‌ به‌رهه‌م و داوه‌زانن نرخه‌يل عراق له‌ بڕ فريه‌ى به‌رهه‌مهاوردن بيبه‌ش ئه‌كا.

ساڵح ئه‌را شه‌فه‌ق نيوز وت: دو مه‌سه‌له‌ هه‌ن هاوسه‌نگى نه‌فتى سه‌ختيگ پيك ئه‌يه‌رن له‌ عراق: يه‌كه‌ميان په‌يوه‌سه‌ وه‌ پابه‌ندبوين عراق وه‌ ريككه‌فتن ئۆپيك ك يه‌يش مه‌سه‌له‌يگ و بژارده‌يگ تر ئه‌راى نيه‌ له‌وه‌ر وجوود بڕ فريه‌يگ نه‌فت جه‌هانى له‌بان ئاست پڕه‌وكردن بازاڕه‌يل ك تواناى خه‌زنكردن راده‌ى خوه‌ى بڕيه‌ و مه‌سه‌له‌ى بڵاوبوينه‌وه‌ى ڤايرۆس كۆرۆنايش كاريگه‌رى فيشتريگ ناگه‌و نه‌فت نمايشكرياێ هيمان ها بان داواكاريه‌يليه‌و وه‌ نزيكه‌ى 30%.

دويه‌ميش ئه‌وه‌سه‌ نمايشكرياێ نه‌فتى عراق هه‌ر خود خوه‌ى ناڵنێد له‌ كيشه‌ى جيگيربوينى، چوينكه‌ نه‌فت له‌ بريگ له‌ بازاڕه‌يل سه‌ره‌كى تويش گرفت هاتگه‌ وه‌ بوونه‌ى دريغيكردن بڕيگ له‌ بسينه‌يل و له‌وه‌ر هووكار ئابوورى ناوده‌وڵه‌تى، ك يه‌يش عراق بيبه‌ش ئه‌كا له‌ بڕ فريه‌ى به‌رهه‌مهاوردن نه‌فت و كه‌لينيگ دروس ئه‌كا له‌ قه‌يران گشتى ئابوورى.