2020-03-25 18:34:26

شه‌فه‌ق نيوز/ عه‌بدولغه‌نى ساعدى، وه‌ڕيه‌وبه‌ر گشتى ته‌ندروستى رسافه‌ى به‌غدا، ئاشكراى حاسه‌وبوين 7 حاڵه‌ت تويشهاتگ وه‌ ڤايرۆس كۆرۆنا كرد دوياى وه‌رگرتن چاره‌سه‌ر ئه‌را ماوه‌ى چه‌ن رووژيگ له‌ نه‌خوه‌شخانه‌ى ئبن خه‌تيب له‌ به‌غدا.

 

ساعدى له‌ باسيگ ئه‌را شه‌فه‌ق نيوز وت: 7 كه‌س له‌ تويشهاتگه‌يل وه‌ ڤايرۆس كۆرۆنا وه‌ ته‌واوى خاسه‌و بوينه‌و وشكانن ئه‌رايان ئه‌نجام درياگه‌ له‌ تاقيگاو ده‌رئه‌نجامه‌گه‌يان نيگه‌تێڤ بويه‌و له‌ ئاكام ئه‌وه‌يش نه‌خوه‌شخانه‌ وه‌جى هيشتنه‌.

 

جى باسه‌، ساعدى هه‌ميش وت: ئه‌و 7 كه‌سه‌ ك خاسه‌و بوينه‌ له‌ دو خيزان بوينه‌، يه‌كيگيان چوار كه‌س و ئه‌و خيزانه‌گه‌يش سێ كه‌س بوينه‌و دو مناڵ له‌تيان بويه‌.

}