2019-11-12 13:25:19

شه‌فه‌ق نيوز/ شانه‌ى ره‌سانن ئه‌منى, ئاشكراى كه‌فتن دو موشه‌ك كراد كرد له‌بان بازاڕيگ مه‌ردمى و خوه‌ندنگايگ له‌ به‌غداى پايته‌خت.

 

شانه‌ى ره‌سانن له‌ به‌ياننامه‌يگ وت: دويه‌شه‌و موشه‌كيگ له‌ جوور كراد كه‌فته‌سه‌ ناو بازاڕيگ مه‌ردمى له‌ ناوچه‌ى ئسكان له‌ خوه‌رئاواى به‌غداى پايته‌خت وه‌بى ئه‌وه‌گ بته‌قێده‌وه‌و هويچ زه‌ره‌ديگ گيانى و ماددى له‌لى نه‌كه‌فته‌سه‌و.

 

به‌ياننامه‌گه‌ هه‌ميش وت: مووشه‌كيگ تر له‌ هه‌مان جوور كه‌فته‌سه‌ بان خوه‌ندنگاى ئاشوور له‌ ناوچه‌ى شه‌عب له‌ باكوور به‌غدا و ته‌نيا زه‌ره‌د ره‌سانه‌سه‌ په‌رژين ده‌يشت خوه‌ندنگاگه‌ وه‌بى زه‌ره‌د گيانى.

FaceIraq
}