2019-10-22 17:59:19

شه‌فه‌ق نيوز/ ساڵح نحه‌مه‌د عراقى نزيك له‌ موقته‌دا سه‌در سه‌ركرده‌ى ره‌وت سه‌درى، ئاشكراى ئاماده‌گى شه‌ش گرووپ ئه‌را خوه‌ينيشانداينه‌يل چه‌وه‌ڕيكرياگ له‌ رووژ جومعه‌ى ئاينده‌ كرد.

 

ساڵح عراقى له‌ لاپه‌ڕه‌ى خوه‌ى له‌ فه‌يسبوك وت:

بريار له‌بان هه‌ريه‌ك له‌:

1- ئداريه‌يل و كارمه‌نده‌يل وه‌تايبه‌ت نويسينگه‌ى تايبه‌ت

2- ده‌سه‌ى سياسى و فراكسيۆن سائرون

3- سرايا سه‌لام

4- بنگه‌ى هوشمه‌ند جه‌ماوه‌رى

5- لايه‌ن ئه‌منى تايبه‌ت

6- ليژنه‌ى خزمه‌تگوزارى

وه‌گشت ئاماده‌باشيييگ بمينن ئه‌را هه‌ر كاريگ له‌ناكاو و خوه‌يان ئاماده‌ بومه‌ن ئه‌را گشت مه‌سه‌ليگ له‌ شه‌و په‌نجشه‌ممه‌ى ئاينده‌ 26 سه‌فه‌ر تا وه‌خته‌يليگ تر، ئه‌ويش وه‌بوونه‌ى ئه‌و بارودوخه‌ ك عراق وه‌پيه‌و گوزه‌ر ئه‌كاو كه‌فتنه‌وه‌ى مه‌ترسى له‌لێ، وه‌مه‌رجيگ ئه‌رك ئه‌خلاقى و شه‌رعى په‌يڕه‌ه‌و بكريه‌ێد وه‌تايبه‌ت له‌ ساڵياد وه‌فات په‌يغه‌مبه‌ر سڵام خودا له‌لى و  له‌ ئال وبه‌يتى، ك بايه‌سه‌ له‌بان گشتلايگ ئى بڕياره‌ وه‌بى كه‌م وكوڕى جێوه‌جێ بكه‌ن.

 

جى باسه‌، ده‌سه‌ى سياسى ره‌وت سه‌درى دانيشتنيگ وه‌رفراوان وه‌ل ئه‌ندامه‌يل فراكسيۆن سائرون نوێنه‌رايتى ئه‌نجام دا له‌ باره‌گاى ده‌سه‌گه‌ له‌ به‌غداو له‌تى نه‌سار روبه‌يعى سه‌رۆك ده‌سه‌گه‌ وه‌ل ئاماده‌بويه‌يل ديارترين مه‌سه‌له‌يليگ له‌ مه‌يدان عراقى خسته‌ڕوێ بيجگه‌ تويته‌يل موقته‌دا سه‌در ئه‌را ده‌رچگن  وه‌  ديديگ هاوبه‌ش وه‌و جووره‌گ خزمه‌ت وه‌ هه‌ڵكه‌فت عراقى بكا.

FaceIraq
}