2019-11-16 09:04:11

شه‌فه‌ق نيوز/ وه‌رپرسيگ باڵاى عراقى له‌ به‌غدا، ئاشكراى وجوود هه‌وڵه‌يليگ كرد ئه‌را لاوردن وه‌زيره‌يل و وه‌رپرسه‌يليگ باڵا، ئه‌ويش له‌ ئه‌نجام وه‌رده‌وامى شه‌پۆل خوه‌ينيشانداينه‌يل ك له‌تى داواى نه‌مه‌ند رژيم و ئاڵشتكردن سياسيه‌يل ئيسه‌ ئه‌كريه‌ێد.

 

له‌ى باوه‌تيشه‌و، ئه‌لعه‌ره‌بى ئه‌لجديد له‌ زووان سه‌رچه‌وه‌يگ وت: راوێژه‌يل ئيسه‌ له‌ناونى زوورم فراكسيۆنه‌يل له‌باره‌ى ده‌سله‌كاركيشانه‌وه‌ يا لاوردن حكومه‌ت نيه‌، به‌ڵكوو له‌باره‌ى هه‌مواركردن وه‌زاريه‌ ك شايه‌ت 8 وه‌زير و كارمه‌ند باڵا له‌ حكومه‌ت بگرێده‌و، له‌وانه‌يش ئه‌بو جيهاد ئه‌لهلشمى وه‌ڕيه‌وبه‌ر نويسينگه‌ى عه‌بدولمه‌هدى.

 

باس له‌وه‌يش كرد ك هه‌وڵ هاوپه‌يمانى سائيرون ئه‌را ميوانداريكردن سه‌رۆك وه‌زيره‌يل له‌ په‌رله‌مان كاريگه‌رى نه‌يرێد ته‌نانه‌ت ئه‌گه‌ريش ئه‌نجام بگرێد، ئه‌ويش له‌وه‌ر ئه‌وه‌گ خود سائيرون ده‌نگ ته‌واويگ نه‌يرێد ئه‌را لاوردنى و ئاماژه‌ وه‌يه‌يش كرد رينماييكردنيگ له‌ موقته‌دا سه‌در ئه‌را جاده‌ له‌وه‌ر ئه‌وه‌سه‌ خوه‌ى قورتار بكا له‌و ناچارى مه‌ردمييه‌ ك هاته‌سه‌ تويشى و هه‌وڵ ئه‌را لاوردن عه‌بدولمه‌هدى دا، وه‌لێ باقى فراكسيۆنه‌يل هاوكار نه‌وين وه‌ليا.

FaceIraq
}