2019-09-14 09:58:30

شه‌فه‌ق نيوز/ سه‌رچه‌وه‌يل ئابوورى و سياسى له‌ به‌غدا، وه‌ چه‌و گه‌شبينييه‌و نوڕنه‌ سه‌ردانه‌ چه‌وه‌ڕيكريايه‌گه‌ێ عادل عه‌بدولمه‌هدى سه‌رۆك وه‌زيره‌يل ئه‌كه‌ن ئه‌را چين له‌ 19ى ئى مانگه‌ ئه‌را ماوه‌ى 4 رووژ.

 

بڕيگ له‌و سه‌رچه‌وه‌يله‌ باس له‌وه‌ ئه‌كه‌ن ئه‌و سه‌ردانه‌ له‌تى ئمزاى نزيكه‌ى 30 ياداشت له‌يه‌كڕه‌سينه‌وه‌ى گه‌ورا ئه‌كريه‌ێد له‌ناونى به‌غدا و په‌كين، ك كه‌رته‌يل بنياتناين و ئاوه‌دانكردنه‌وه‌و خزمه‌تگوزاريه‌يل و بازرگانى و پيشه‌سازى ئه‌گرێده‌و.

 

جى باسه‌، يه‌يش له‌وه‌ختيگه‌ وه‌زاره‌ت خارجيه‌ى عراقى له‌ هه‌فته‌ى گوزيشت وت: ده‌زگاى ئاسيا و ئوستراليا له‌ وه‌زاره‌ته‌گه‌ دانيشتنيگ راوێژكارى ريكخستنه‌ ئه‌را شماره‌يگ له‌ نوێنه‌ر وه‌زاره‌ته‌يل و ده‌زگايه‌يل عراقى و له‌تى باس له‌ ياداشته‌يل له‌يه‌كڕه‌سينه‌وه‌ و ريككه‌فتنه‌يل كرياگه‌ و چه‌وه‌ڕێ ئه‌كريه‌ێد له‌ سه‌ردانه‌گه‌ى عه‌بدولمه‌هدى ئه‌را چين مللى له‌ كووتايى ئى مانگه‌ ئمزا بكريه‌ێد.

FaceIraq
}