2019-08-21 09:02:42

شه‌فه‌ق نيوز/ قسه‌كه‌ر وه‌ناو پۆليس ناوه‌ندى ئه‌ڵمانى ئاشكراى ئه‌وه‌ كرد حكومه‌ت وڵاته‌گه‌ى سێ مناڵ له‌ رووڵه‌ێ چه‌كداره‌يل ريكخرياگ تيرۆريستى داعش له‌ شار هه‌ولێر عراقييه‌و جيواز كردگه‌ ئه‌را فرانكفۆرت، ك يه‌يش يه‌كه‌مجاره‌ حكومه‌ت ئه‌ڵمانى مناڵ داعشيه‌يل جيواز بكا.

 

له‌ى باوه‌ته‌و، قسه‌كه‌ر وه‌ناو پۆليس وت: مه‌سه‌له‌ى جيوازكردن ئه‌و مناڵه‌يله‌ وه‌ سه‌رپه‌رشى كارگه‌ره‌يل كۆمه‌ڵايه‌تى و خزمه‌تگوزارى ئه‌را مقه‌يه‌تيكردن مناڵه‌يل بويه‌، وه‌لێ زانيارێ زيتر له‌و باوه‌ته‌و باس نه‌كرد.

 

هه‌ر له‌و باوه‌ته‌و، سه‌رچه‌وه‌يليگ ئه‌را ئاژانس هه‌واڵه‌يل ئه‌ڵمانى ئه‌وه‌ ده‌رخست ك دووان له‌و مناڵه‌يله‌ برا بوينه‌ له‌ ته‌مه‌ن 2 و 4 ساڵان ك داپيره‌يان ئه‌را ته‌ياره‌خانه‌ى هه‌ولێر ره‌وانه‌يان كردگه‌، بيجگه‌ مناڵيگ تر 7 ساڵان ك ئه‌ويش داپيرى ره‌وانه‌ى كردگه‌.

FaceIraq
}