2019-06-30 19:30:30

شه‌فه‌ق نيوز/ به‌رهه‌م ساڵح سه‌رۆك كۆمار عراق، له‌ كوشك سه‌لام له‌ به‌غداى پايته‌خت پيشوازيكرد له‌ نه‌جاح شه‌مه‌رى وه‌زير وه‌رگرى.

 

ساڵح له‌و ديداره‌ جه‌خت له‌بان گرنگى وه‌رده‌واميدان وه‌و سه‌ركه‌فتنه‌يل كرد ك سوپاى عراق و هيزه‌يل پشتگيريكه‌رى له‌ حه‌شد و پێشمه‌رگه‌و رووڵه‌يل عه‌شاير ئه‌نجامى دانه‌ وه‌ل مقه‌يه‌تيكردن له‌ ده‌سكه‌فته‌يل جيوه‌جيكرياێ سه‌ربازى له‌ جه‌نگ دژ تيرۆر، جوور ئه‌وه‌گ نويسينگه‌ى سه‌رۆك كۆمار له‌ به‌ياننامه‌يگ ئاماژه‌ وه‌پيكرد.

 

به‌ياننامه‌گه‌ هه‌ميش وت: خواست ئه‌وه‌سه‌ گرنگى وه‌ سوپا و هيزه‌يل پشتگيرى له‌رێ و پڕچه‌ككردن و شماره‌وه‌ بدريه‌ێد ئه‌را هه‌ڵسانه‌وه‌ى له‌ڕوێ ده‌ور پيرووزى و ئه‌و قاره‌مانێتيه‌ ك رووڵه‌يل هيزه‌يل چه‌كدار له‌ جه‌نگ دژ داعش ئه‌نجامى دان.

 

لاى خوه‌ييشه‌و وه‌زير وه‌رگرى باسيگ له‌باره‌ى چالاكى و پلانه‌يل وه‌زاره‌ته‌گه‌ ئه‌را په‌ره‌جاين وه‌ تواناى سوپاى عراقى و دامه‌زرياگه‌يل پشتگيرى پيشكه‌ش كرد و جه‌خت له‌ زيايكردن هه‌وڵه‌يل كرد ئه‌را مقه‌يه‌تى له‌ ئاسايش و سه‌قامگيرى وڵاته‌گه‌.

YesIraq
}