2019-08-15 09:03:42

شه‌فه‌ق نيوز/ عادل عه‌بدلمه‌هدى سه‌رۆك وه‌زيره‌يل عراقى، تويش قه‌يرانيگ سياسى بويه‌ وه‌ل په‌رله‌مان وڵاته‌گه‌ى و په‌يوه‌نديه‌يل ئوردنى - عراقى گرته‌سه‌ ئامانج، جوور ئه‌وه‌گ سه‌رچه‌وه‌يل ئاگادار له‌ زووان رووژنامه‌ێ عه‌كاز باس له‌لێ ئه‌كه‌ن.

 

ئه‌و سه‌رچه‌وه‌يل عراقيه‌ باس له‌وه‌ كردنه‌ ك فراكسيۆنه‌يل سياسى په‌رله‌مانى هه‌وڵ ئه‌يه‌ن فشار بخه‌نه‌ بان ئوردن ئه‌را راده‌سكردن ئۆپۆزسيۆنه‌يل عراقى وه‌پيان و له‌ناونيانيش ره‌غه‌د دويه‌ت سه‌دام حسێن سه‌رۆك له‌سێداره‌درياێ وه‌رين.

 

سه‌رچه‌وه‌يل په‌رله‌مانييش ئه‌وه‌ ده‌رخستن ك فراكسيۆنه‌يل سياسى هه‌وڵ ئه‌يه‌ن دوسيه‌ى داواكرياگه‌يل عراقى وه‌ ئوردن تيكه‌ڵ بكه‌ن له‌چوارچێوه‌ى دوسيه‌يل بازرگانى ناونى هه‌ردوگ وڵات و ئاماژه‌ وه‌يه‌يش ئه‌كريه‌ێد ك حكومه‌ت عراقى په‌يوه‌سكردن ئى دوسيه‌ وه‌ دوسيه‌يل بازرگانى و ئابورى ره‌ته‌و ئه‌كا.

YesIraq
}