2019-08-18 08:59:06

شه‌فه‌ق نيوز/ عادل عه‌بدولمه‌هدى سه‌رۆك حكومه‌ت عراقى، تويه‌نست ده‌رفه‌ت له‌ پشوو ته‌شريعى پرله‌مان وه‌ربگرێد ئه‌را دروسكردن كه‌ش نزيكه‌وبوين وه‌ل فراكسيۆنه‌يل سياسى سه‌ره‌كى و پشتگيرييان وه‌ده‌س بارێد له‌ وه‌رز ته‌شريعى ئاينده‌ وه‌تايبه‌ت وه‌ل هاوپه‌يمانى "بنياتنان" ك يه‌كيگه‌ له‌ ديارترين لايه‌نه‌يل پرووسه‌ى سياسى له‌ عراق و هه‌ريه‌ك له‌ فراكسيۆنه‌يل فه‌تح وه‌ سه‌رۆكايه‌تى هادى عامرى و ده‌وڵه‌ت ياسا وه‌ سه‌رۆكايه‌تى نورى مالكى و فراكسيۆنه‌يل تر سياسى ئه‌گرێده‌ خوه‌ى.

 

له‌و باوه‌ته‌و، ئه‌لعه‌ره‌بى ئه‌لجه‌ديد له‌ زووان وه‌رپرسيگ حكومييه‌و وت: عه‌بدولمه‌هدى له‌ ماوه‌ى پشوو ته‌شريعى په‌رله‌مان چه‌وێ كه‌فته‌سه‌ سه‌ركرده‌يل هاوپه‌يمانى بنياتنان و فه‌تح و وه‌ليانا دوسيه‌يليگ گرنگ واز كردگه‌و له‌وانه‌يش بڕياره‌گه‌ى وه‌ دوباره‌ بنياتنانه‌وه‌ى هه‌يكه‌ڵيه‌ت حه‌شد شه‌عبى و داناينى له‌ چوارچێوه‌ى ده‌زگاى سه‌ربازى و بريار كيشاننه‌وه‌ى فه‌سيل حه‌شد شه‌به‌كى له‌ موسڵ و دابه‌شكردن پله‌يل تايبه‌ت و دوسيه‌ى وجوود سه‌ربازگه‌يليگ حه‌شد له‌ناو شاره‌يل.

 

ئه‌و وه‌رپرسه‌ وت: عه‌بدولمه‌هدى ته‌نازولات ئه‌را ئه‌و فراكسيۆنه‌يل پيشكه‌ش كردگه‌ له‌باره‌ى ئه‌و دوسيه‌يل گرنگه‌و له‌وانه‌يش ده‌رفه‌ت دو مانگ ئه‌را دوباره‌ دانانه‌وه‌ى هه‌يكه‌ڵيه‌ت حه‌شد و ده‌رفه‌ته‌يل تريش ئه‌دێ له‌ ئاينده‌ ك هووكاره‌ ئه‌را كه‌مه‌وكردن له‌ بريار هه‌يكه‌ڵيه‌ت و بڕيگيش له‌ پۆسته‌يل گرنگ به‌خشاگه‌و له‌وانه‌يش پۆست وشكاننكار گشتى له‌ وه‌زاره‌ت وه‌رگرى و پيشكه‌شكردنئ اسانكارى له‌باره‌ى مه‌ندنه‌وه‌ى سه‌ربازگه‌يل حه‌شد له‌ناو شاره‌يل.

FaceIraq
}