2019-08-14 12:15:13

شه‌فه‌ق نيوز/ مه‌حما خه‌ليل قايمقام قه‌زاى شه‌نگاڵ، داوا كرد چه‌ك ته‌نيا وه‌ده‌س ده‌وڵه‌ته‌و بدێ له‌ قه‌زاگه‌و مه‌ردمه‌گه‌يشى له‌ ده‌زگايه‌يل ئه‌منى دامه‌زريه‌ن تا بتويه‌نن مقه‌يه‌تى له‌ خوه‌يان و قه‌زاگه‌ بكه‌ن.

 

خه‌ليل له‌ به‌ياننامه‌يگ وه‌ بوونه‌ى 12ه‌مين ساڵياد كاره‌سات(سيبا شێخدر)له‌ ناحيه‌ى گرعه‌زيز، ك بويه‌ هووكار كوشيان زياتر له‌ 400 كه‌س و زه‌خمداربوين 500 كه‌س تر له‌ پيكهاته‌ى ئايينى ئێزيدى، وت: خواست فريه‌يگ هه‌س ئه‌را دابينكردن پاسه‌وانى له‌ كه‌مينه‌يل ئايينى و ئاوه‌دانكردنه‌وه‌ى ناوچه‌يليان وه‌تايبه‌ت شه‌نگاڵ ك زياتر له‌ جاريگ تويش له‌ناوبردن وه‌جه‌م هات.

 

خه‌ليل وت: ئى كاره‌سات دڵته‌زنه‌ سه‌ره‌تاى له‌ناوبردن پيكهاته‌ى ئێزيدى بوێ و ئيسه‌يش وه‌پيداين مافه‌يل ده‌ستورى ناوچه‌گه‌و جيوه‌جيكردن مادده‌ى 140 بويه‌سه‌ هه‌وه‌جه‌يگ خواست و ئه‌گه‌ر حكومه‌ت ئه‌و مادده‌ى ده‌ستوريه‌ جيوه‌جێ بكردياد له‌و وه‌خته‌يله‌ ئه‌و كاره‌ساته‌ له‌ 2014 روێ نه‌يا.

 

جى باسه‌، خه‌ليل داوايش كرد شه‌نگاڵ بكريه‌ێده‌ ناوچه‌يگ ئارام و ياسا له‌تى جيوه‌جێ بكريه‌ێد و چه‌ك ته‌نيا وه‌ده‌س ده‌وڵه‌ته‌و بدێ و مه‌رمه‌گه‌يشى دامه‌زريه‌ن له‌ ده‌زگايه‌يل ئه‌منيى ده‌وڵه‌ت تا بتويه‌نن مقه‌يه‌تى له‌ ناوچه‌گه‌ى خوه‌يان بكه‌ن و هيزيگ هاوبه‌ش له‌ سوپا و پێشمه‌رگه‌ دامه‌زريه‌ێد وه‌ پڕچه‌ككردن و سه‌رپه‌رشتى هاوپه‌يمان ناوده‌وڵه‌تى تا پشتگير بدێ له‌ ناوچه‌گه‌و كه‌شيگ گونجياگ دروس بكا ئه‌را گله‌وخواردن ئاواره‌يل و نه‌هيشتن له‌ناوبردن وه‌جه‌م.

FaceIraq
}