2020-03-26 18:38:46

شه‌فه‌ق نيوز/ پاريزگاى كه‌ربه‌لا ئاشكراى عوزرخوازى خوه‌ى كرد له‌ پيشوازيكردن له‌ زياره‌تچيه‌يل شه‌عبانى، ئه‌ويش له‌وه‌ر مه‌ترسى له‌ بڵاوبوينه‌وه‌ى ڤايرۆس كۆرۆنا.

 

له‌و باوه‌ته‌و، نسه‌يف جاسم خه‌تابى پاريزگار كه‌ربه‌لا له‌ لێدوانيگ ئه‌را شه‌فه‌ق نيوز وت: پاريزگاگه‌ پيشوازى ناكا له‌ زياره‌تچيه‌يل نيمه‌ى شه‌عبانى ساڵياد له‌دايگبوين ئيمام مه‌هدى سڵام خودا له‌لى ك 9 نيسان ئاينده‌ ريككه‌فتيه‌.

 

خه‌تابى هه‌ميش وت: ئمساڵ پيشوازى له‌ هويچ زياره‌تچييگ ناكه‌يم له‌وانه‌گ ئه‌خوازن زياره‌ت شه‌عبانى ئه‌نجام بيه‌ن و رێ وه‌كه‌س نايه‌يم باێده‌ ناو پاريزگاگه‌ له‌وه‌ر ئه‌وه‌گ هيمان بارودوخه‌گه‌ مه‌ترسيداره‌.

}