2019-08-19 16:48:01

شه‌فه‌ق نيوز/ وه‌زاره‌ت وه‌رگرى عراقى، ئاشكراى ده‌سگيركردن يه‌كيگ له‌ نزيكترين كه‌سه‌يليگ له‌ ئه‌بو به‌كر به‌غدادى سه‌ركرده‌ى تيرۆريستى داعش كرد له‌ پاريزگاى ئه‌نبار له‌ خوه‌رئاواى وڵاته‌گه‌.

 

وه‌زاره‌ته‌گه‌ له‌ به‌ياننامه‌يگ وت: مه‌فره‌زه‌يل شوعبه‌ى هه‌واڵگيرى سه‌ربازى له‌ تيم 7 وه‌ هاوكارى وه‌ل هه‌واڵگيرى فه‌وج يه‌ك ليواى پياده‌ى 29 و له‌ئه‌نجام كرده‌وه‌يگ بويرانه‌ى هه‌واڵگيرى و پر دقه‌تيگ تويه‌نريا يه‌كيگ له‌ ديارترين تيرۆريسته‌يل له‌ قه‌زاى هيت له‌ پاريزگاى ئه‌نبار ده‌سگير بكريه‌ێد.

 

وه‌زاره‌ته‌گه‌ يه‌يش ده‌رخست ئه‌و تيرۆريسته‌ پۆست مير سه‌ربازى داشتگه‌ له‌ كه‌رت هيت وه‌رجه‌ رزگاركردن و يه‌كيگه‌ له‌ تيرۆريسته‌يل نزيك له‌ تاوانبار ئه‌بو به‌كر به‌غدادى ك يه‌كيگ له‌ كوڕه‌يلى له‌لايه‌ن هيزه‌يل ئه‌منييه‌و كوشيا و يه‌كيگيشى له‌ كرده‌وه‌يگ خوه‌يكوشى خوه‌ى ته‌قانه‌و و سێيه‌ميش هه‌يواى وه‌ره‌و ده‌يشت وڵات دوياى زه‌خمداربوينى له‌ يه‌كيگ له‌ جه‌نگه‌يل رزگاركردن.

FaceIraq
}